Հասարակություն
07.07.2020 | 09:17Այսօր՝ ժամը 11:00-ին, Սահմանադրական դատարանում նախատեսված է Ռոբերտ Քոչարյանի գործի քննությունը։ Նրան առաջադրված մեղադրանքը, այն է՝ Սահմանադրական կարգի տապալումը, հակասահմանադրական ճանաչելու հարցով դիմումը պաշտպանները ներկայացրել էին նախորդ տարի։ Առայժմ հայտնի չէ, թե արդյոք նիստը կկայանա՞, թե ոչ։
Հիշեցնենք. հունիսի 25-ին հայտնի դարձավ, որ Ռոբերտ Քոչարյանի պաշտպանական խումբը հետ է վերցրել Սահմանադրական դատարանին ներկայացված դիմումը։ Սակայն հարցը շարունակելու է մնալ օրակարգում։ Նշենք, որ դիմումը վերաբերում է Քրեական օրենսգրքի 300.1 հոդվածին։
Տեղեկացնենք, որ ինը դատավորներից վեցի ներկայության դեպքում քվորում կլինի, հետևաբար՝ նիստը կարող է կայանալ։
Այս պահին արձակուրդում են գտնվում դատավոր Արևիկ Պետրոսյանը, ինչպես նաև՝ ՍԴ նախագահի պաշտոնում լիազորությունները դադարեցված և որպես դատավոր պաշտոնավարումը շարունակելու իրավունք ունեցող Հրայր Թովմասյանը։
