09.07.2026 | 14:05
Մխիթար Հայրապետյանը չի ցանկացել մնալ ԲՏԱ նախարար. Ալեն Սիմոնյանի հետ կապված քննարկում կա. Փաշինյան․ ՏԵՍԱՆՅՈՒԹ
Երևանում 4 անձի դանակահարած 22-ամյա երիտասարդը ձերբակալվել է
Հասարակություն
27.11.2017 | 12:09
Նոյեմբերի 26-ին՝ ժամը 2.30-ին, հիվանդանոցից ոստիկանության Շենգավիթի բաժնում հաղորդում էր ստացվել, որ «կրծքավանդակի կտրած-ծակած վերք» ախտորոշմամբ բուժօգնության են դիմել 1993 թ. ծնված Ն. Պ.-ն, «կրծքավանդակի ձախ կեսի կտրած-ծակած վերք» ախտորոշմամբ` 1993 թ. ծնված Հ. Ս.-ն, «ձախ գոտկային շրջանի կտրած-ծակած վերք» ախտորոշմամբ` 1992 թ. ծնված Հ. Մ.-ն և «կրծքավանդակի կտրած-ծակած վերք» ախտորոշմամբ` 1993 թ. ծնված Ա. Ա.-ն: Այս մասին հայտնում են ՀՀ ոստիկանությունից։
Ոստիկանության Երևան քաղաքի վարչության և Շենգավիթի բաժնի ծառայողների ձեռնարկած օպերատիվ-հետախուզական ու բացատրական աշխատանքների շնորհիվ, նույն օրը, ժամը 17.30-ին բաժին է ներկայացել 1995 թ. ծնված Վիգեն Ա.-ն և տվել խոստովանական ցուցմունք, որ նույն օրը, ժամը 2.30-ին, իրենց շենքի բակում, վիճաբանության ժամանակ, ինքն է դանակով մարմնական վնասվածքներ հասցրել նշված անձանց:
Վիգեն Ա.-ն ձերբակալված է: Կատարվում է նախաքննություն:
Քննչական կոմիտեից հայտնում են, որ տուժող ճանաչված 4 անձանց թվում կան նաև ոստիկանության աշխատակիցներ։
