10.10.2026 | 19:47
Քննարկվել են Հայաստանում կախվածությունների կանխարգելման և բուժման ուղղությամբ իրականացվող աշխատանքները
Եթե ռազմական հիմնավորումներով ասեին՝ եկեք դուրս գանք ՀԱՊԿ-ից, ես կընկալեի փաստարկային բազան. Արմեն Աշոտյան
Քաղաքականություն
27.11.2017 | 11:49
Խորհրդարանում շարունակվում են«Ելք» խմբակցության հեղինակած «ՀՀ մասով Եվրասիական տնտեսական միության պայմանագրի գործողությունը դադարեցնելու գործընթաց սկսելու վերաբերյալ» ԱԺ հայտարարության նախագծի լսումները:
ԱԺ արտաքին հարաբերությունների մշտական հանձնաժողովի նախագահ Արմեն Աշոտյանն առանձին-առանձին անդրադարձավ «Ելք» դաշինքի ՝ ԵՏՄ-ից դուրս գալու հիմնավորումներին:
«Տնտեսական միությունից դուրս գալու համար բերված փաստարկները բաժանվում են երեք խմբի՝ քաղաքական, տնտեսական և ռազմատեխնիկական: Այսինքն՝ ակնհայտ է, որ տնտեսական միության հետ շաղկապված ենթատեքստը միայն տնտեսական չէ, և նախաձեռնության տակ կա նաև քաղաքականություն, այդ թվում ՝ նաև գլոբալ քաղաքականություն»,- նշեց Աշոտյանը:
Անդրադառնալով քաղաքական փաստարկներին՝ ՀՀԿ-ական պատգամավորը նշեց, որ դրանցից ամենակարևորը վերաբերում է ղարաբաղյան հակամարտությանը. «Իմ գործընկերներից մեկը նշեց, որ ԵՏՄ անդամ պետությունները միշտ չէ, որ հայանպաստ քվեարկություններ են անում, այո՛, ոչ բոլորն են հայանպաստ: Բայց հիշենք, որ ԵՏՄ-ն ստեղծվել է Ռուսաստանի նախաձեռնությամբ և փաստացի ռուսական տնտեսության շուրջ: Հետևաբար այս հակափաստարկը պետք է ֆիքսել և գնալ առաջ, որ արցախյան կարգավորման դերակատարներից մեկը Ռուսաստանն է, որի մոտեցումը հակամարտության կարգավորման հարցում որևէ կասկած չի հարուցում»:
Մանրամասները՝ տեսանյութում:
