24.04.2026 | 10:10
ԵԱ․ Պայքարը սկսում են ազատ ոճի ըմբիշները
Լինելու է կորոնավիրուսի մի քանի պատվաստանյութ. ես անձամբ բանակցում եմ արտադրողի հետ. Արսեն Թորոսյան. ՏԵՍԱՆՅՈՒԹ
02.07.2020 | 11:31
Աշխարհում արդեն հարյուրից ավելի թեկնածու պատվաստանյութ կա, որ հավակնում է դառնալ վերջնական արդյունք։ Կառավարության այսօրվա նիստին ասաց ՀՀ առողջապահության նախարար Արսեն Թորոսյանը՝ խոսելով կորոնավիրուսի դեմ պատվաստանյութի մասին:
«Նախնական՝ առաջին ու երկրորդ փուլի հետազոտությունները ցույց են տալիս, որ, ամենայն հավանականությամբ, լինելու են պատվաստանյութեր ու լինելու են մի քանիսը»,- ասաց նա:
Թորոսյանը նշեց, որ Հայաստանը հիմա բանակցություններ է վարում երկու ուղղությամբ․ «Առաջինն ուղիղ արտադրողներն են, ես անձամբ եմ բանակցությունները վարում՝ Նուբար Աֆեյանի հետ փոխկապակցված ընկերությունն է։ Բանակցում ենք նաև ԱՀԿ-ի, ՅՈՒՆԻՍԵՖ-ի ու ԳԱՎԻ-ի հետ, որոնք փորձելու են հավաքական գնումներ իրականացնել»։
Նախարարի խոսքով՝ ամենամեծ վտանգն այն է, որ կարող են լինել երկրներ, որոնք միանգամից մեծ քանակի արտադրված ու նույնիսկ դեռ չարտադրված պատվաստանյութ գնեն և մյուս երկրներին այն հասնի շատ ուշ, օրինակ՝ 2021 թվականի սկզբում կամ վերջում:
«Շատ կարևոր է բանակցությունները սկսել հենց այսօրվանից, պետք է հետ չմնանք զարգացումներից»,- ասաց Թորոսյանը:
Մանրամասները՝ տեսանյութում։
