06.04.2026 | 14:15
Արման Ծառուկյանը կանխատեսել է Մախաչևի և Տոպուրիայի հնարավոր մենամարտի հաղթողին
Փոփոխություններ՝ «Սահմանադրական դատարանի մասին» օրենքում․ ԱԺ-ն ամբողջությամբ ընդունեց նախագիծը
Քաղաքականություն
30.06.2020 | 16:00
Ազգային ժողովի արտահերթ նստաշրջանում 80 կողմ և 1 դեմ ձայներով առաջին ընթերցմամբ ընդունվեց «Իմ քայլը» խմբակցության պատգամավորների կողմից ներկայացված «Սահմանադրական դատարանի մասին» սահմանադրական օրենքում փոփոխություններ և լրացումներ կատարելու մասին և «Պաշտոնատար անձանց գործունեության ապահովման, սպասարկման և սոցիալական երաշխիքների մասին» օրենքում փոփոխություն կատարելու մաuին օրինագծերի փաթեթը։
ԱԺ նիստին ներկա չէին «Լուսավոր Հայաստան» և «Բարգավաճ Հայաստան» խմբակցությունները։
«Իմ քայլը» խմբակցության պատգամավոր Սուրեն Գրիգորյանը ներկայացրեց նախագծում առաջարկվող փոփոխությունները։
«Փոփոխվում եմ սահմանադրական դատարանի դատավորների թափուր տեղերի համար առաջադրող մարմինների առաջադրման հերթականությունը և առաջադրումները կատարվելու են հետևյալ հերթականությամբ․ առաջին առաջադրումը կատարվելու է կառավարության կողմից, երկրորդը՝ հանրապետության նախագահի, երրորդը դատավորների ընդհանուր ժողովի կողմից»,- մասնավորապես նշեց պատգամավորը։
Ըստ փոփոխությունների` ՍԴ այն անդամ-դատավորները, որոնց լիազորությունները դադարեցվել են մինչ ժամկետի ավարտը, կենսաթոշակի իրավունք են ստանալու:
