03.08.2026 | 23:30
Տաթև-Լծեն ավտոճանապարհին բեռնատարը դուրս է եկել երթևեկելի հատվածից և բախվել հողաթմբին
ՆԱՏՕ-ն Ատլանտյան օվկիանոսում զորավարժություններ է անցկացնում
Քաղաքականություն
29.06.2020 | 22:03
Ատլանտյան օվկիանոսի հյուսիսում մեկնարկել են ՆԱՏՕ-ի Dynamic Mongoose զորավարժությունները, որոնք կտևեն մինչև հուլիսի 10-ը։ Այս մասին գրում է mk.ru-ն։
Վարժանքներին մասնակցում է Դաշինքի անդամ վեց պետություն՝ Գերմանիան, Ֆրանսիան, Կանադան, Նորվեգիան, ԱՄՆ-ն և Մեծ Բրիտանիան։ Իսկ Իսլանդիան, որը նույնպես ՆԱՏՕ-ի անդամ է, Ռեյկյավիկում լոգիստիկ աջակցություն է ցուցաբերում Դաշինքին։
Նշվում է, որ զորավարժություններում ներգրավված է 5 նավ, 5 սուզանավ և նույնիսկ պարեկային օդանավ։ Մանևրումների նպատակը սուզանավերի դեմ ռազմական գործողությունների համատեղ մշակումն է, Դաշինքի հավաքական պաշտպանության մասին հոդվածի հնարավոր կիրառման և ճգնաժամային այլ իրավիճակներին նախապատրաստումը։
Նշենք, որ ՆԱՏՕ-ի Dynamic Mongoose զորավարժություններն ամենամյա են։ Ավելի վաղ ԱՄՆ Ռազմածովային ուժերի ինստիտուտում նշել էին, որ սուզանավերը գտնելու, հետևելու և ճանաչելու՝ ՆԱՏՕ-ի ունակությունը ոչ միայն ապահովում են ջրի վրա անվտանգությունը, այլև պաշտպանում ՌԴ-ի կողմից սպառնալիքներից։
