03.08.2026 | 22:59
Էրդողանի դաշնակից Բահչելին ու Օջալանն աջակցություն են հայտնել Թուրքիա-PKK խաղաղության գործընթացին
Մոսկվա ժամանած ղրղզական պատվիրակության անդամների մոտ COVID-19 է հայտնաբերվել․ Ղրղզստանի նախագահը չի մասնակցել զորահանդեսին
Քաղաքականություն
24.06.2020 | 13:59
Ղրղզստանի նախագահ Սոորոնբայ Ժեենբեկովը մեկնել է Մոսկվա, սակայն չի մասնակցել Հաղթանակի 75-ամյակին նվիրված զորահանդեսին։ Մոսկվա հասնելուց հետո ղրղզական պատվիրակության անդամները կորոնավիրուսի թեստ են հանձնել, երկու անձի թեստի արդյունքը դրական է եղել։ Այս մասին գրում է Sputnik.kg-ն՝ վկայակոչելով երկրի ղեկավարի մամուլի ծառայությունը։
Նշվում է, որ կորոնավիրուս է հայտնաբերվել Ղրղզստանի նախագահի աշխատակազմի արտաքին քաղաքականության հարցերի բաժնի ղեկավար Դանիյար Սիդիկովի և անվտանգության ծառայության աշխատակիցներից մեկի մոտ։ Արդյունքում նախագահ Ժեենբեկովը որոշել է չմասնակցել զորահանդեսին։
Ժեենբեկովի մամուլի ծառայությունը հայտնել է նաև, որ ՌԴ մեկնող պատվիրակության անդամները պարբերաբար թեստ են հանձնել, այդ թվում՝ թռիչքից առաջ, սակայն վարակի առկայությունը հայտնաբերվել է միայն Մոսկվայում։
Նախագահն ու նրան ուղեկցողները կվերադառնան Բիշքեկ, մինչև նոր թեստերի պատասխանը ստանալը նրանք եռօրյա ինքնամեկուսացման ռեժիմում կլինեն։
