19.09.2026 | 17:03
Ռուբեն Ռուբինյանը դասային աստիճան է շնորհել
Գերմանիայում գործազուրկների թիվը կարող է գերազանցել 3 միլիոնը․ Deutsche Welle
Քաղաքականություն
23.06.2020 | 18:04
Վերջին 10 տարում առաջին անգամ՝ Գերմանիայում գործազուրկների թիվը կարող է գերազանցել 3 միլիոնի սահմանը։ Այս մասին հայտնում է Deutsche Welle-ն։
Երկրում Աշխատանքի դաշնային գործակալության ղեկավար Դեթլեֆ Շեելեն գերմանական «Süddeutschen Zeitung» պարբերականին տված հարցազրույցում հայտնել է, որ գործազրկության մակարդակի աճը կորոնավիրուսային պանդեմիայով է պայմանավորված։ Նա հույս է հայտնել, որ աշնանը, երբ թուլանան զբոսաշրջության ու ռեստորանային բիզնեսի սահմանափակումները, աշխատաշուկայում տիրող իրավիճակը կբարելավվի։
Գերմանիայի Աշխատանքի դաշնային գործակալության ղեկավարը նաև նշել է, որ կառավարության կողմից ընդունված՝ տնտեսությանն աջակցման ծրագիրը ևս կնպաստի աշխատաշուկայի ակտիվացմանը։
Հավելենք, որ վերջին տվյալներով Գերմանիայում COVID-19-ի հաստատված դեպքերը 192.336-ն են, իսկ մահվան ելքերը՝ 8․970-ը։ Երկրում կորոնավիրուսից ապաքինվել է 175․700 մարդ։
Նելլի Մելքոնյան
