22.05.2026 | 22:42
Գորգերի թանգարանի ստեղծման նպատակով բարերար Լևոն Վարթան Դեր Բեդրոսյանը Հայաստանին է նվիրաբերել իր անձնական հավաքածուն
Էրդողանի հրահանգով Թուրքիայում Հայոց ցեղասպանության ժխտմամբ զբաղվող հատուկ կառույց կստեղծվի
Քաղաքականություն
23.06.2020 | 15:13
Թուրքիայի նախագահ Ռեջեփ Թայիփ Էրդողանի նախագահությամբ տեղի է ունեցել Բարձրագույն խորհրդատվական կոմիտեի նիստը, որի ընթացքում որոշում է կայացվել ստեղծել «ինքնավար ու քաղաքացիական» նոր կառույց, որը մշակելու է հատուկ ռազմավարություն և արձագանքելու է Հայոց ցեղասպանության պնդումներին։
Էրդողանը նաև աշխատանքի անցնելու ցուցումներ է տվել։ Այս մասին հաղորդում են թուրքական լրատվամիջոցները։
CNNTurk-ի փոխանցմամբ՝ Հայոց ցեղասպանության մասին նոր ռազամավարության մշակելու առաջարկը դեռ 3 ամիս է եղել, երբ ԱՄՆ Կոնգրեսում քննարկվել է Հայոց ցեղասպանության բանաձևը, ամերիկյան դատարաններն էլ սկսել են քննել Թուրքիայի դեմ հայերի ներկայացրած հայցերը։
Հանդիպման ժամանակ նշվել է, որ չկա որևէ ինստիտուտ, որը ռազմավարություն կմշակեր «հայերի պնդումներ դեմ»։
Քննարկման ընթացքում նաև խոսվել է այն մասին, որ հայկական լոբբին ցեղասպանության համար մեղադրանք չի ներկայացրել Միջազգային դատարան՝ հնարավոր մերժման պատճառով, բայց դրանից հետո փոխել է մարտավարությունը։ Հանդիպման ժամանակ քննարկվել է նաև 5 համալսարանների կողմից պատրաստված զեկույցը։
Որոշվել է, որ ստեղծվելիք կառույցը լինելու է անկախ քաղաքացիական կառույց և կապ չի ունենալու կառավարության ու պետության հետ։
Էրդողանը հրահանգել է հնարավորինս արագ ավարտել նոր կառույցի ստեղծման աշխատանքները։
Էմմա Չոբանյան
