29.04.2026 | 23:40
Հայաստան–ՄԱԿ համագործակցություն․ ուշադրության կենտրոնում՝ խոցելի խմբերի պաշտպանությունը
Բաց հասարակության հիմնադրամներ-Հայաստանն աջակցում է կորոնավիրուսի հետևանքով տուժած եզդիներին
Հասարակություն
22.06.2020 | 15:18
Բաց հասարակության հիմնադրամներ-Հայաստանը հրատապ սոցիալական աջակցություն է տրամադրում ԿՈՎԻԴ-19-ի տարածման հետևանքով տուժած ու սոցիալապես խոցելի վիճակում հայտնված եզդիներին:
«Ինչպես Հայաստանում, այնպես էլ ամբողջ աշխարհում ԿՈՎԻԴ-19 համավարակն անհամաչափ և ավելի մեծ բացասական ազդեցություն է թողնում ազգային փոքրամասնությունների վրա՝ առողջապահական ու հանրային մի շարք ծառայություններին նրանց ցածր հասանելիության պատճառով: Ցածր որակավորում պահանջող և բարձր մրցակցություն ունեցող աշխատանքային շուկայում կրճատումները կատարվում են ոչ համաչափ և առաջին կրճատվողները հաճախ դառնում են ազգային փոքրամասնությունների ներկայացուցիչները, որոնք, կորցնելեով աշխատանքը, զրկվում են ապրուստի միջոցներից:
Ազգային փոքրամասնությունների սոցիալական իրավիճակը հատկապես սուր է մարզային բնակավայրերում, քանի որ բնակիչներից շատերը համաճարակի պատճառով չեն կարող մեկնել արտագնա աշխատանքի:
Բաց հասարակության հիմնադրամներ-Հայաստանը հրատապ աջակցություն է տրամադրում ԿՈՎԻԴ-19-ի տարածման հետևանքով սոցիալապես խոցելի վիճակում հայտնված եզդիներին օգնելու նպատակով: Հիմնադրամի ֆինանսական աջակցությամբ «Մարդու իրավունքների եզդիական կենտրոն» իրավապաշտպան կազմակերպությունը մեկ ասվա համար նախատեսված սնունդ ու հիգիենիկ պարագաներ կհատկացնի եզդի անապահով ընտանիքներին: Այս հրատապ օգնությունը կուղղվի մասնավորապես այն ընտանիքներին, որտեղ կան չգրանցված աշխատողներ:
Աջակցության ծրագրից կօգտվեն Երևանի, Արարատի, Արմավիրի, Արագածոտնի, Կոտայքի ու Շիրակի մարզերի 27 համայնքների ավելի քան 400 եզդիներ»,- ասված է հաղորդագրությունում:
