08.11.2024 | 20:43
Կապանում ՍՊԸ-ի տնօրենին ծանր մարմնական վնասվածքներ հասցնելու վարույթով կալանավորվել է երկու անձ. ՔԿ
ԵՄ-ն ևս 6 ամսով կերկարաձգի ՌԴ-ի դեմ պատժամիջոցները
Քաղաքականություն
19.06.2020 | 21:50
Ուկրաինայում հակամարտության կարգավորմանն ուղղված Մինսկի համաձայնությունների իրականացման ընթացքը թույլ չի տալիս չեղարկել ՌԴ-ի դեմ Եվրամիության սահմանած պատժամիջոցները։ ԵՄ անդամ պետությունների և կառավարությունների ղեկավարների տեսակոնֆերանսի արդյունքներով այս մասին հայտարարել է Գերմանիայի կանցլեր Անգելա Մերկելը, գրում է ՏԱՍՍ-ը։
«Մինսկի համաձայնությունների իրականացման առաջընթացն այնպիսին չէ, որ մենք կարողանանք խորհուրդ տալ չերկարաձգել Ռուսաստանի դեմ պատժամիջոցները։ Այնպես որ՝ մենք այսօր որոշեցինք, որ պատժամիջոցները կերկարաձգվեն ևս 6 ամսով»,- հավելել է նա։
ՌԴ-ի դեմ Եվրամիության սահմանած պատժամիջոցների ժամկետն ավարտվում է հուլիսի 31-ին։ 2014 թվականին ԵՄ-ն պատժամիջոցներ սահմանեց Ռուսաստանի դեմ՝ կապված Ուկրաինայի իրադարձությունների և Ղրիմը ՌԴ-ին միավորելու հետ։ Սահմանափակումները բազմիցս ընդլայնվել և երկարաձգվել են։
