COVID-19-ի տեղական թեստեր արտադրող Մոլեկուլային կենսաբանության ինստիտուտը կառավարությունից գումար չի ստացել

Լուրեր

16.11.2026 | 23:32
Սևանի մակարդակը մեկ շաբաթում իջել է 1 սմ-ով․ տարեսկզբի համեմատ աճը 31 սմ է
16.11.2026 | 23:22
Լուսինե Բեկչյանն ազատվել է ԱԺ նախագահի օգնականի պաշտոնից
16.11.2026 | 23:01
Նոր Ջեյմս Բոնդը կլինի Ռոբերտ Պատինսոնը
16.11.2026 | 22:44
Երևանի Ֆուչիկի փողոցն առաջարկվում է անվանափոխել կոմպոզիտոր Վլադիլեն Բալյանի անունով
16.11.2026 | 22:26
Ձմեռային անվադողերի պարտադիր պահանջը խախտել է 400 վարորդ, որից 63-ը՝ Երևանում
16.11.2026 | 22:10
Բայրամովը Մեծ Բրիտանիայի պետքարտուղարի հետ քննարկել է Հայաստանի հետ կարգավորման գործընթացը
16.11.2026 | 21:59
Իրաքն ու Հորդանանն անվտանգության մտահոգությունների պատճառով արգելափակում են Telegram-ը
16.11.2026 | 21:47
Բորիս Նեմցովի սպանության համար դատապարտվածները գաղտնի ազատ են արձակվել և ապրում են Չեչնիայում․ «Проект»
16.11.2026 | 21:32
Օտարերկրյա միջամտություններ և հիբրիդային սպառնալիքներ․ Միրզոյանի ելույթը Բրյուսելում
16.11.2026 | 21:15
Դատավորը մեղադրյալի աթոռին. ինչո՞ւ Մասիս Մելքոնյանը զրկվեց անձեռնմխելիությունից․ ՏԵՍԱՆՅՈւԹ
16.11.2026 | 21:00
ԹԵԺ ԲԱՆԱՎԵՃ․ «Քաղաքացիական պայմանագիր», «Ուժեղ Հայաստան», «Հայաստան»․ պիտի փոխվի՞ Սահմանադրությունը. ՏԵՍԱՆՅՈւԹ
16.11.2026 | 20:49
Բազմաբնակարան բնակելի համալիրի կառուցման թույլտվություն կտրվի․ նախագիծը Երևանի ավագանին կքվեարկի չզեկուցվող հարցերի փաթեթում
16.11.2026 | 20:27
38 երկիր նախազգուշացրել է այս ձմռանն Ուկրաինայում միջուկային վթարի վտանգի մասին
16.11.2026 | 20:13
ԵՄ նոր պատժամիջոցների ցանկում են ՌԴ խոշորագույն նավթավերամշակման գործարանները, «ЮMoney»-ն, ավելի քան 40 բանկեր, Մատվիենկոյի որդին
16.11.2026 | 20:00
Դիտեք ԱԺ-ի և Հ1-ի ծեծկռտուքներն ու պարզ կլինի՝ ինչու է պետք միլիոնավոր դոլարներ ծախսել կրթության վրա․ Արմեն Մարտիրոսյան. ՏԵՍԱՆՅՈՒԹ
Բոլորը

Հայաստանում մեկնարկել է COVID-19-ի թեստերի արտադրությունը։ Դրանցով, սակայն, առայժմ կորոնավիրուս չի ախտորոշվում, քանի որ թեստերի առաջին խմբաքանակը դեռ փորձարկման փուլում է։

ԳԱԱ Մոլեկուլային կենսաբանության ինստիտուտի տնօրեն Արսեն Առաքելյանը Factor.am-ին փոխանցեց, որ փորձարկումը դեռ ընթացքի մեջ է, սպասում են պատասխանին։

ՄԿԻ տնօրենն, ի պատասխան մեր հարցի, նշեց նաև, որ COVID-19-ի թեստեր արտադրելու համար իրենց կառույցը որևէ գումար չի ստացել։ Մինչդեռ ապրիլի 6-ին վարչապետ Նիկոլ Փաշինյանը հայտարարել էր, որ 550 հազար դոլար են պատրաստվում հատկացնել Մոլեկուլային կենսաբանության ինտիտուտին։

Factor.am-ի հարցին, թե ինչպես է ստացվում, որ մինչ օրս ինստիտուտին դրամական միջոցներ չեն փոխանցվել, Արսեն Առաքելյանն արձագանքեց․ «Մեզ տվել են միայն թեստերի համար անհրաժեշտ ռեագենտներ և լաբորատոր պարագաներ, ոչ թե գումար»։

Հստակեցնող հարցին, թե արդյոք նախատեսված 550 հազար դոլարն ամբողջությամբ ծախսվել է ինստիտուտին տրամադրված սարքերի ձեռքբերման համար, Արսեն Արաքելյանը պատասխանեց․ «Գումարի մի մասն է օգտագործվել։ Թե կոնկրետ որքան գումար է ծախսվել՝ տեղյակ չեմ»։

Թե ինչպես է տնօրինվել կամ տնօրինվելու թեստերի արտադրության համար նախատեսված գումարի մյուս մասը, փորձեցինք ճշտել Պարետատնից։ Այնտեղ, սակայն, մեր բազմաթիվ զանգերն անպատասխան թողեցին։ Մեկնաբանությունը ստանալուն պես այն կհրապարակենք։

Այնուամենայնիվ, ինչպե՞ս է կազմակերպվում COVID-19-ի թեստերի արտադրությունը։ Ինչպե՞ս են ՄԿԻ աշխատակիցները վճարվում տեղական թեստերի արտադրության համար կատարած աշխատանքի դիմաց։ Արսեն Առաքելյանի տեղեկացմամբ՝ ինստիտուտի աշխատակիցները շարունակում են աշխատել իրենց սովորական պայմաններում, ստանում են իրենց սովորական աշխատավարձերը, և որևէ հավելյալ գումար նրանց չի վճարվում։

Մեր հարցին, թե քանի աշխատակից է ներգրավված կորոնավիրուսի թեստերի արտադրության մեջ, ՄԿԻ տնօրենն ասաց․ «Արտադրության ամբողջ պրոցեսի մեջ 20 աշխատող է ընդգրկված»։

Հավելենք, որ կորոնավիրուսի հայկական թեստերի արտադրության մասին Նիկոլ Փաշինյանը դեռ ապրիլի 6-ին էր հայտարարել, սակայն մինչ օրս Հայաստանում հիվանդության ախտորոշումը կատարվում է արտերկրից պատվիրված կամ որպես օգնություն ստացված թեստերով։  Օրինակ՝ երեկ Լիտվայից Հայաստան 30 հազար թեստ է բերվել։

Նշենք, որ մինչ օրս Հայաստանում կատարվել է COVID-19-ի 91․943 թեստավորում, որից 1․951-ը՝ վերջին մեկ օրում։

Մոլեկուլային կենսաբանության ինստիտուտից մեզ փոխանցած տվյալների համաձայն՝ տեղական թեստերի առաջին խմբաքանակի փորձարկման դրական արդյունքներից հետո Հայաստանում COVID-19-ի 100 հազար թեստ են նախատեսում արտադրել։

Նելլի Մելքոնյան