23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Վարչապետի հանձնարարականը՝ թվային օրակարգի մշակման ընթացքի վերաբերյալ
Տնտեսություն
23.11.2017 | 11:34
ՀՀ Կառավարության այսօրվա նիստում վարչապետ Կարեն Կարապետյանն անդրադարձավ թվային օրակարգի մշակման ընթացքի և 2018 թվականի գործողությունների իրականացմանը:
«Նախկինում անդրադարձել էինք թվային օրակարգի կարևորության և այդ ոլորտում կառավարության համակարգված քաղաքականության իրականացման հարցին: Նշվածի համատեսքստում ավարտին են հասցվում Հայաստանի թվային օրակարգ 20-30 թթ երակարաժամկետ ռազմավարության աշխատանքները: Միաժամանակ անհրաժեշտ է երկարաժամկետ ռազմավարական ծրագրին զուգահեռ իրականացնել կարճաժամկետ կոնկրետ ծրագրերի մշակման և դրանց իրագործման աշխատանքները, հատկապես այն ոլորտներում որտեղ թվայնացման գործընթացի իրականացումն անհրաժեշտ է՝ չնայած բոլոր ոլորտներում էլ կարևոր է»,- ասաց Կառավարության ղեկավարը:
Հաշվի առնելով վերոնշյալը՝ վարչապետ Կարապետյանը հանրապետական գործադիր մարմնի ղեկավարներին հանձնարարեց եռօրյա ժամկետում կառավարության աշխատակազմ ներկայացնել ըստ ոլորտների թվայնացման փոխակերպումը համակարգող պատասխանատու բարձրաստիճան պաշտոնատար անձանց թեկնածությունը:
«Երկրորդ՝ երկուշաբաթյա ընթացքում մշակել և կառավարության աշխատակազմ ներկայացնել 2018 թվականի թվային փոխակերպման գործողությունների ծրագրի վերաբերյալ առաջարկություններ՝ թվային Հայաստան հիմնադրամի կարծիքը ստանալու համար»,- հանձնարարեց Կարեն Կարապետյանը:
