03.08.2026 | 23:30
Տաթև-Լծեն ավտոճանապարհին բեռնատարը դուրս է եկել երթևեկելի հատվածից և բախվել հողաթմբին
Ինչո՞ւ մինչև հիմա չունենք շրջակա միջավայրի նախարար․ նախկին նախարարը չեղածից վա՞տն էր․ Այվազյան. ՏԵՍԱՆՅՈՒԹ
Քաղաքականություն
17.06.2020 | 17:50
Այսօր Ազգային ժողովում Կառավարության հետ հարցուպատասխանի ժամանակ «Լուսավոր Հայաստան» խմբակցության պատգամավոր Հրանտ Այվազյանը մատնանշեց բնապահպանության ոլորտում առկա խնդիրները՝ ընդգծելով, որ Շրջակա միջավայրի նախարարությունը մինչև հիմա ղեկավար չունի։
«Ինչո՞ւ մինչև հիմա նախարար չկա, նախկին նախարարը չեղածից վա՞տն էր։ Ոլորտում կան բազմաթիվ խնդիրներ։ Վերջերս ահազանգ ստացա Լոռու մարզից, որ կան թրթուրներ, որոնք անտառներն են ոչնչացնում, հիմա արդեն պտղատու ծառերի վրա են»,- նշեց պատգամավորը։
Վարչապետն արձագանքեց․ «Ձեր նշած բոլոր հարցերի համար պատասխանատու է Հայաստանի Կառավարությունը, ընդ որում՝ բոլոր կառավարությունները։ Հիմա տեսեք՝ Սևանի կանաչման հետ կապված․․․ համակարգային խնդիրներ են»։
Նա հավելեց, որ շուտով կնշանակվի Շրջակա միջավայրի նախարար և կատակեց․ «Եթե իմանայի, որ նախարարի նշանակումից հետո էդ թրթուրները կվերանան, էսօր իրիկուն կգնայի, կնշանակեի»։
Մանրամասները՝ տեսանյութում։
