02.07.2026 | 02:50
ԱԱ-2026. Բելգիան կամային հաղթանակ տարավ 0:2-ից հետո. ՏԵՍԱՆՅՈՒԹ
Ընտրակաշառքի դեպքերը հերթով բացահայտվելու են. Ալեն Սիմոնյան. ՏԵՍԱՆՅՈՒԹ
Հասարակություն
17.06.2020 | 13:34
Նախկին իշխանավորները, որոնք այսօր մեծ գումարներ են ծախսում տարբեր ԶԼՄ-ների վրա, որպեսզի վարկաբեկեն ՀՀ իշխանություններին, ստեղծում են մի սուտ և իրենք այդ ստին սկսում են հավատալ և հարցեր հնչեցնել, թե դրա մասին ինչ եք դուք մտածում:
Այսօր ԱԺ-ում այդ մասին ասաց ԱԺ փոխխոսնակ Ալեն Սիմոնյանը՝ պատասխանելով հարցին, թե արդյոք իշխանությունը տեսնում է, որ իր վարկանիշն իջել է, այդ իսկ պատճառով էլ Գագիկ Ծառուկյանի նկատմամբ նման կերպ վարվեց:
Սիմոնյանի խոսքով՝ նախկին իշխանավորները իրականություն են հնարում և փորձում հանրությանը համոզել, որ նման բան գոյություն ունի. «ՀՀ իշխանությունը բարձր վարկանիշ ունի՝ ի հեճուկս այն լրատվամիջոցների, որոնց նախկին իշխանավորները գումար են ապահովում, որպեսզի նրանք այդ վարկանիշն իջեցնեն: Ի հեճուկս ձեր ծախսած գումարների՝ այսօրվա իշխանություններն ապահովում են իրենց զինվորների գրեթե ամեն ինչը, ապահովում են բանակի բոլոր հարցերը, ճանապարհներ, դպրոցներ են կառուցում»,- շեշտեց նա:
Իսկ հարցին, թե արդյոք միայն ԲՀԿ-ին էին կասկածում ընտրություններին կաշառք բաժանելու մեջ, մյուսներին, օրինակ՝ ՀՀԿ-ին հերթը չի հասնելու՝ ԱԺ փոխնախագահն ասաց. «Ընտրակաշառքի դեպքերը հերթով բացահայտվելու են»:
Մանրամասները՝ տեսանյութում:
Մերի Մարտիրոսյան
