19.05.2026 | 23:56
Հայաստանի մի շարք հասցեներում էլեկտրաէներգիայի անջատումներ կլինեն
Արդեն համաձայնություն կա. Դավիթ Պետրոսյանը՝ իշխանության ներկայացուցիչների հետ հանդիպման մասին
Հասարակություն
22.11.2017 | 17:18
«Հանուն գիտության զարգացման» նախաձեռնության անդամ Դավիթ Պետրոսյանն այսօր խորհրդարանում պատգամավորների ու Կառավարության ներկայացուցիչների հետ կլոր սեղան-քննարկումից հետո հայտարարեց՝ իրենց հիմնական պահանջը՝ տարկետման տեղերի պահպանման հետ կապված բավարարվել է:
«Տարկետում լինելու է» մեր սկզբունքը, որ դրված էր նախաձեռնության հիմքում՝ դառնում է իրականություն, խնդիրը մնում է` որքան տեղ, ինչ չափանիշներ ու հայտանիշներ կորոշեն»,- ասաց նախաձեռնության անդամը: Բացի այդ՝ իրենք առաջարկում են ոչ թե բուհը տանել բանակ, այլ բանակը բերել բուհ:
«Առաջարկի նպատակն է, որ անընդհատության սկզբունքը պահպանելով՝ արական սեռի ավելի շատ երիտասարդներ անցնեն զինվորական ծառայություն, բայց այնպես, որ դա չխաթարի նրանց կրթական կյանքին և ամենակարևորը՝ հիմնված լինի իրենց ընտրության վրա»,- ասաց Դավիթ Պետրոսյանը:
Ըստ նրա՝ սա աշխատանքային քննարկում էր և հիմք` հետագա քննարկումների համար: «Այն ակտիվությունը, որ ցուցաբերվեց փողոցում, այն ակտիվությունը, որ եղավ դասադուլների միջոցով, գրավականն էր, որ մենք կարողացանք հասնել այստեղ»,- հավելեց «Հանուն գիտության զարգացման» նախաձեռնության անդամը:
Մանրամասները՝ տեսանյութում:
