16.12.2025 | 17:35
ԲՏԱ նախարարի տեղակալն ընդունել է GIZ-ի ներկայացուցիչներին. քննարկվել են կիբեռանվտանգության ոլորտի առաջնահերթությունները
Բոլոր ծրագրերը չեղարկել եք, «Քայլ դեպի տունը» կիսատ եք արել, բա ի՞նչ եք արել. Թանդիլյան
Քաղաքականություն
12.06.2020 | 20:52
Սփյուռքի հանձնակատար Զարեհ Սինանյանը ԱԺ-ում 2019 թվականի պետբյուջեի կատարողականի քննարկման ժամանակ ներկայացրեց նախորդ տարում կատարված աշխատանքը։
«Լուսավոր Հայաստան» խմբակցության պատգամավոր Մանե Թանդիլյանը նկատեց, որ գրեթե բոլոր ծրագրերը չեղարկվել են։
«Բոլոր ծրագրերը համարել եք աննպատակահարմար, մի տարվա ընթացքում ո՞ր ծրագիրն է, որ արել եք, «Քայլ դեպի տուն»-ը կիսատ եք արել՝ հասկանալի պատճառով, բայց այլ որևէ ծրագիր արե՞լ եք։ Այնպիսի տպավորություն է, որ գրասենյակը միայն աշխատավարձ է ստացել ու մտածել է՝ ինչ անի, բայց որևէ ծրագիր, որը պետք է իրականացվեր 2019 թվականի բյուջեում, ուղղակի չի իրականացվել»,- նշեց Թանդիլյանը։
Սինանյանն արձագանքեց․ «Թերևս նախընտրելի կլիներ, որ մենք գայինք, ասեինք՝ դե քանի որ ֆինանսավորումը տվել են, օրինակ, Հայաստան-Սփյուռք գործակցության թեմայով հեռուստահաղորդումների և տեսահոլովակների հեռարձակում ու դրա համար հատկացվել է 75 մլն դրամ, գայի, ասեի՝ շտապ, շըփ-թըփ ձևով իրար վրա դրեք, կազմակերպեք, ստից մի բան, էս փողը մսխենք, որ ես մյուս տարի գնամ, ասեմ՝ գիտեք ինչ՝ փողը ծախսել ենք, կատարողական ենք տվել»։
Մանրամասները՝ տեսանյութում։
