08.11.2024 | 23:14
Վթար Աշտարակի խճուղում․ կա տուժած
ԵՏՄ ներկայացուցիչները համաձայնեցրել են COVID-19-ի դեմ պայքարի միջոցառումների ծրագիրը․ այն կներկայացվի ԵՏՄ միջկառավարական խորհրդին՝ հաստատման
Քաղաքականություն
09.06.2020 | 17:18
Եվրասիական տնտեսական միության (ԵՏՄ) անդամ պետությունների՝ բնակչության սանիտարահամաճարակաբանական բարեկեցության ոլորտում լիազոր մարմինների ղեկավարների խորհուրդը տեսակոնֆերանսի միջոցով անցկացված նիստում քննարկել է կորոնավիրուսի համաճարակի հետ կապված իրավիճակը։ Նիստին մասնակցել են Հայաստանի, Ռուսաստանի, Բելառուսի, Ղազախստանի, Ղրղզստանի ներկայացուցիչները։ Այս մասին տեղեկանում ենք «Ռոսպոտրեբնադզորի» տարածած հաղորդագրությունից։
Հանդիպման ընթացքում Ղեկավարների խորհուրդը համաձայնեցրել է ԵՏՄ անդամ պետությունների տարածքներում COVID-19-ի և ինֆեկցիոն այլ հիվանդությունների տարածումը կանխելուն ուղղված միջոցառումների համալիր պլանի նախագիծը։ Նախատեսվում է փաստաթուղթն առաջիկայում քննարկել Հանձնաժողովի կոլեգիայի նիստում և ներկայացնել Եվրասիական միջկառավարական խորհրդի հաստատմանը։
Համալիր ծրագիրն ուղղված է ինչպես ԵՏՄ անդամ պետություններում կորոնավիրուսի հետ կապված ընթացիկ համաճարակաբանական իրավիճակի կարգավորմանը, այնպես էլ ինֆեկցիոն այլ հիվանդությունների արձագանքմանն ու կանխարգելմանը:
Ղեկավարների խորհրդի նիստում քննարկվել են նաև ԵՏՄ պետություններում կորոնավիրուսի տարածման հետ կապված ընթացիկ իրավիճակը։
Հաջորդ նիստերի ընթացքում նախատեսվում է քննարկել եվրասիական տարածքում ներդրված սահմանափակումների մեղմացման հետ կապված հարցեր։
