Քաղաքականություն
09.06.2020 | 14:43Փոփոխությունների շարժառիթները կարող են շատ լինել, նույնիսկ առանձին-առանձին՝ յուրաքանչյուր կառույցի դեպքում կարող է այդ շարժառիթը տարբեր լինել։ Այսօր «Փաշինյանն ամրապնդում է ուժայիններին. ինչո՞ւ և ի՞նչ սպասել» թեմայով քննարկման ժամանակ անդրադառնալով ուժային կառույցներից մի քանիսում երեկ արված պաշտոնանկություններին և նոր նշանակումներին՝ ասաց քաղաքական մեկնաբան Հակոբ Բադալյանը։
«Բայց ինձ համար կասկած չկա, որ ընդհանուր փոփոխությունը, անշուշտ, ունի քաղաքական համատեքստ։ Ուժային բլոկում փաթեթային փոփոխությունը չի կարող չունենալ այդպիսի համատեքստ, որովհետև մենք գործ ունենք հիմնարար կառույցների հետ, հատկապես նկատի ունեմ Գլխավոր շտաբը և ԱԱԾ-ն, իհարկե՝ ոչ պակաս նաև Ոստիկանությունը»,- ասաց Բադալյանը։
Նրա խոսքով՝ մարդիկ, ովքեր կարանտինի պայմաններում մասնակցում են հարսանիքի, արդյո՞ք չէին կարող գիտակցել դրա հնարավոր քաղաքական հետևանքը․ «Այսինքն՝ Գլխավոր շտաբի պետ, ԱԱԾ պետ, ոստիկանապետ․․․ եթե մասնակցում են հարսանիքի, մի՞թե նրանք այդքան անհամարժեք են, որ չեն պատկերացնում վարչապետի հնարավոր արձագանքը»։
Մանրամասները՝ տեսանյութում։
