18.11.2024 | 12:27
Վահագն Ալեքսանյանի ճեպազրույցը. ՈՒՂԻՂ
1 դիմակը 100 դրամով կարելի է գնել՝ ավտոմատ ապարատների միջոցով. ՏՄՊՊՀ նախագահ. ՏԵՍԱՆՅՈՒԹ
08.06.2020 | 12:10
Ալկոգելի, դիմակի և ձեռնոցի շուկաներում ուսումնասիրությունները շարունակվում են։ Բժշկական կամ պաշտպանիչ դիմակների շուկայում և լատեքս ձեռնոցների շուկայում ունենք հարուցված վարույթներ։ Պետք է փաստեմ, որ Հայաստանում չի եղել դեպք, որ 20 դրամով դիմակ ներմուծվի և վաճառվի 220 դրամով։ Այսօր ԱԺ-ում այս մասին լրագրողներին ասաց ՏՄՊՊՀ նախագահ Գեղամ Գևորգյանը։
«Հաշվի առնելով ամբողջ աշխարհում տիրող իրավիճակը, Հայաստան դիմակ ներկրվել է 10 անգամ բարձր գնով։ Մի շարք ապրանքային շուկաներում կան հարուցված վարույթներ՝ ձեթի, շաքարի շուկայում, բայց այնտեղ հակառակ պրոցեսն էր՝ գնի նվազում էր նկատվում ոչ համաչափ, կարագի շուկայում ևս կա հարուցված վարույթ։ Ապրանքների դեֆիցիտ այս պահին չկա, գնաճ՝ պայմանավորված իրավիճակով, ևս չի նկատվել, բացառությամբ մի քանի ապրանքատեսակի։ Կորոնավիրուսի թեստերի շուկայում ուսումնասիրությունների կարիք չենք տեսնում, քանի որ դա հիմնականում արվում է կառավարության կողմից»,- նշեց Գևորգյանը։
Պաշտոնյան տեղեկացրեց նաև, որ այսուհետ 1 դիմակը 100 դրամով կարելի է գնել՝ ավտոմատ ապարատների միջոցով։
Մանրամասները՝ տեսանյութում:
Մերի Մարտիրոսյան
