18.11.2024 | 13:17
Էրդողանը ռուս-ուկրաինական պատերազմը սառեցնելու ծրագիր է պատրաստել․ Bloomberg
Եթե ես որևէ խախտում եմ արել, կկրեմ դրանից բխող պատասխանատվությունը․ ՀՀ ԶՈՒ ԳՇ պետ Արտակ Դավթյանը՝ որդու հարսանեկան արարողության մասին
Հասարակություն
08.06.2020 | 10:54
ԶՈւ Գլխավոր շտաբի պետ, գեներալ-լեյտենանտ Արտակ Դավթյանը քիչ առաջ պարզաբանում է տարածել կապված իր որդու՝ արտակարգ դրության պայմաններում երեկ անցկացված հարսանյաց արարողության հետ։
«Օրենքի առաջ բոլորն են հավասար, և եթե ես որևէ խախտում եմ արել, կկրեմ դրանից բխող պատասխանատվությունը: Իհարկե, ըստ իս, խախտում չի եղել, բայց թող դա պարզեն համապատասխան մարմինները: Պարզապես ուզում եմ հիշեցնել՝ բոլորն ունեն անձնական կյանքի իրավունք: Հորդորում եմ որոշ մարդկանց, լրատվամիջոցների չմտնել իմ և իմ ընտանիքի անձնական տարածք և փորձ չանել ինձ ներառել քաղաքական խաղերի մեջ»,- նշել է Արտակ Դավթյանը։
Արտակարգ դրություն պարետ Տիգրան Ավինյանի մամուլի խոսնակ Վահան Հունանյանն էլ Factor.am-ին փոխանցեց, որ հարցը կուսումնասիրվի, և եթե արտակարգ դրության ռեժիմի խախտում արձանագրվի, ապա խախտողները պատասխանատվություն կկրեն։
Մենք պարետի խոսնակից հետաքրքրվեցինք, թե մինչ այս ինչ քայլեր է ձեռնարկել պարետատունը՝ տեղեկանալով փաստի մասին, ինչին ի պատասխան Հունանյանը կրկնեց արդեն ասածը՝ նշելով, որ հարցի շուրջ մեկնաբանությունն առայժմ այն է, ինչ փոխանցում է։ Ավինյանի խոսնակը նաև նշեց, որ փոխվարչապետը երեկ չի այցելել Դավթյանների առանձնատուն, ինչի մասին երեկ կեսգիշերն անց գրել էինք մենք՝ տեղեկատվություն ստանալով մեր հավաստի աղբյուրներից։
Նարեկ Կիրակոսյան
