08.11.2024 | 23:14
Վթար Աշտարակի խճուղում․ կա տուժած
Մինսկում կրկին ակցիաներ են անցկացվել նախագահի այլընտրանքային թեկնածուների օգտին
Քաղաքականություն
07.06.2020 | 21:16
Մինսկում այսօր կրկին ստորագրահավաքի ակցիաներ են անցկացվել Բելառուսի գործող ղեկավարին այլընտրանքային նախագահի թեկնածուների օգտին։ Այս մասին գրում է DW-ի ռուսական ծառայությունը։
Ակցիաները կազմակերպվել են ձերբակալված բլոգեր Սերգեյ Տիխանովսկու կնոջ՝ Սվետլանա Տիխանովսկու, Վիկտոր Բաբարիկոյի, Վալերի Ցեպկալոյի, Սերգեյ Չերեչենի, Նիկոլայ Կոզլովի առաջադրման համար։ «Գարուն» իրավապաշտպան կազմակերպության տվյալներով՝ ակցիաներին 1.350 մարդ է մասնակցել։
Միաժամանակ, հավաքի վայր է այցելել ընդդիմադիր քաղաքական գործիչ, «Բելառուսական քրիստոնեական ժողովրդավարություն» կուսակցության համանախագահ Պավել Սեվերինեցը։ Նա, այսպես կոչված, «ազատ խոսափող» է կազմակերպել, որտեղ բոլոր ցանկացողները կարող էին իրենց կարծիքը հայտնել։
«Գարուն» կազմակերպության տվյալներով՝ ակցիայի ավարտից հետո քաղաքացիական հագուստով անձինք 3 մարդու են ձերբակալել։ Ավելի ուշ իր տան մոտ ձերբակալվել է նաև Պավել Սեվերինեցը։
Նշենք, որ Բելառուսում նախագահական ընտրությունները նախանշված են օգոստոսի 9-ին։ Նախագահական ընտրություններն այս երկրում անցկացվում են 5 տարին մեկ անգամ։ 1994 թվականից Բելառուսը ղեկավարում է Ալեքսանդր Լուկաշենկոն։
