07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Թուրքիայում սկսվել է T-155 «Fırtına» տեսակի հաուբիցների նոր սերնդի արտադրությունը
Քաղաքականություն
20.11.2017 | 20:38
Թուրքիայի զինված ուժերի զինանոցը կհամալրվի T-155 «Fırtına» (թարգմ.՝ «Փոթորիկ») տեսակի հաուբից հրանոթների նոր սերնդով: Թուրքական «Haber7.com» լրատվակայքի տեղեկացմամբ՝ Սաքարիայի Արիֆիե շրջանում արդեն իսկ մեկնարկել է «Fırtına-2»-ի արտադրությունը: Նախորդի առավել կատարելագործված տարբերակը հանդիսացող նոր մոդելը կապահովի կրակի ավելի մեծ արագություն և առավել մեծ հեռահարություն. տեղեկացնում է EH-ն:
Հաուբիցների վրա նախատեսված է տեղադրել թուրքական «ASELSAN» ընկերության արտադրած «SARP» հակատանկային կառավարվող հրթիռային համակարգը: Նոր հրանոթները 48 արկ կրելու հնարավորություն կունենան: Զրահամեքենան ամբողջությամբ պատող պողպատյա զրահը հնարավորություն կտա դիմանալու 14.5 մմ զրահ ծակող փամփուշտների և 155 մմ տրամաչափով արկերի բեկորների ազդեցությանը:
