14.05.2026 | 10:18
Արտարժույթների փոխարժեքները՝ մայիսի 14-ի դրությամբ
Կարծում եմ՝ ԱԱԾ-ն էլ է տեղյակ Միքայել Մինասյանի՝ Սոչիում գտնվելու մասին. Հրաչյա Հակոբյան. ՏԵՍԱՆՅՈՒԹ
Քաղաքականություն
01.06.2020 | 14:36
Միքայել Մինասյանը և նրա աները տեղյակ են զենքի ու մյուս քրեական գործերից։ Այդ մասին այսօր Ազգային ժողովում Factor.am-ի հետ զրույցում ասաց իշխող ուժի պատգամավոր Հրաչյա Հակոբյանը, որը նախօրեին նշել էր, որ նախորդ իշխանությունը ժամանակին 15 մլրդ դոլար է տրվել ՊՆ-ին՝ անպետք զենքի գնման համար։
Նա շեշտեց, որ թե բանակին տրամադրվող զենքի, թե ծխախոտի առքուվաճառքի վերաբերյալ և Սերժ Սարգսյանի փեսայի կողմից իշխանությանն ուղղվող մյուս մեղադրանքները հենց իրենց իշխանությանն են բնորոշ եղել։ Հակոբյանը երեկ տեսաուղերձով դիմել էր քաղաքացիներին՝ վերջում նշելով, որ բարևում է Սոչիում գտնվող Միքայել Մինասյանին։
Հարցին, թե որտեղի՞ց այդ տեղեկությունը, որ Մինասյանը Սոչիում է և արդյոք այդ մասին նա հայտնել է ԱԱԾ-ին՝ պատգամավորն արձագանքեց. «Կարծում եմ՝ ԱԱԾ-ն էլ է տեղյակ Միքայել Մինասյանի՝ Սոչիում գտնվելու մասին։ Ինձ տարբեր տեղերից են այդ մասին ասել»։
Մանրամասները՝ տեսանյութում:
Մերի Մարտիրոսյան
