10.08.2026 | 13:40
Կանանց NBA-ում 3 միավորանոց նետումների ռեկորդ է գրանցվել. ՏԵՍԱՆՅՈՒԹ
Երևանի թիվ 8 պոլիկլինիկայի երկու աշխատակցի մոտ կորոնավիրուս է հաստատվել
27.05.2020 | 17:27
Factor.am-ի տեղեկություններով, Երևանի թիվ 8 պոլիկլինիկայում կորոնավիրուսի վարակման դեպքեր են գրանցվել: Այս տեղեկությունը Factor.am-ի հետ զրույցում հաստատեց պոլիկլինիկայի տնօրեն Արմինե Հարությունյանը:
Նա ասաց, որ երկու աշխատակից կա, որոնց մոտ հաստատվել է COVID 19-ը: Կան նաև մեկուսացվածներ, որոնք շփվել են այդ աշխատակիցների հետ: Արմինե Հարությունյանը չցանկացավ հայտնել մեկուսացվածների թիվը՝ առաջարկելով այն ճշտել քաղաքապետարանի առողջապահության վարչությունից:
Պոլիկլինիկայում առկա COVID 19-ի պատճառով 14 օր կասեցվել են Էլեկտրասրտագրության (ԷԿԳ) կաբինետի աշխատանքները: Մեր այս տեղեկության վերաբերյալ տնօրենը հավաստիացրեց, թե ծառայությունը կատարվում է այլ աշխատակիցների կողմից: Սակայն կաբինետի դռան վրա գրված է, որ այն 14 օր չի սպասարկելու քաղաքացիներին:
Թեմայի շուրջ Factor.am-ը փորձեց զրուցել նաև առողջապահության վարչության պետ Կարեն Բաբինյանի հետ: Նա, սակայն, հրաժարվեց հարցերի պատասխանել, ասաց հանդիպման է:
Նարեկ Կիրակոսյան
