30.09.2026 | 21:27
«Դարի կողոպուտը». Էրդողանի բարձրաստիճան կուսակցի ակտիվները սառեցվում են ներդրումային ֆոնդի շուրջ սկանդալի ֆոնին
Եկանք ջրի համար բողոքելու, ասացին՝ Քոչարյանի պիցայակերներն են. գյուղացին՝ Փաշինյանին. ՏԵՍԱՆՅՈՒԹ
Հասարակություն
23.05.2020 | 12:33
Արարատի մարզում գյուղացիներից մեկը վարչապետին ներկայացրեց ոռոգման ջրի խնդիրը. «Էս գյուղը այո՛, ակտիվ է, հեղափոխական գյուղ ա՝ սկսած 1980-ական թվերից: Բայց ոռոգման սեզոնին սպանում են ժողովրդին: Սա լավագույն հատվածներից մեկն է: Մենք Կարմիր սար ունենք, պոմպակայանը չի հերիքում, որ ջուր հասցնի: Էս քանի տարի խաբում են, ասում են՝ նոր գիծ կսարքենք: Մեր խնդրանքն է, որ աջակցեք այդ հարցում»:
Մարզպետ Գարիկ Սարգսյանը տեղեկացրեց, որ էս տարի որոշ աշխատանքներ արվել են այդ ուղղությամբ: Նշվեց, որ առավելագույնը 10 օրվա մեջ հարցը կլուծվի, պոմպակայանի անիվը կփոխվի և 60 լիտրով ջուրը կավելանա:
Տարածքային կառավարման և ենթակառուցվածքների նախարար Սուրեն Պապիկյանն էլ ասաց, որ Գառնիից Քաղցրաշեն եկող մեծ ջրատար են կառուցել, շինարարական խնդիրներ կան, մեկ տարի է չեն ընդունել աշխատանքը: Գյուղացիներից մեկն ասաց. «Եթե մեկը ձեզ ասի, որ ջրի հարցը կլուծենք, չեն կարողանալու լուծել: Լուծումը երկրորդ նասոսն է։ Գալիս ենք բողոքելու, ասում են Քոչարյանի պիցայակերներն են»:
Սրան Փաշինյանն արձագանքեց. «Համաձա՞յն եք, որ երկրորդ նասոսը լինի, դուք էլ անցնեք կաթիլային ոռոգման»: Գյուղացիներն ասացին, որ իրենք սկի փող չունեն հաց առնեն:
«Բա որ փող չկա, ջրի վարձը ո՞նց եք տալու: Գիտե՞ք ինչի ջեբում փող չկա, որովհետև չենք կարողանում մեր աշխատանքը ճիշտ կազմակերպենք»,- նշեց վարչապետը:
Մանրամասները՝ տեսանյութում:
Նարեկ Կիրակոսյան
