ԱԱԾ տնօրենը Հայաստանում չէ, իսկ որտե՞ղ է Գուրգեն Խաչատրյանը

Լուրեր

17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
Բոլորը

Արդեն տևական ժամանակ է, ինչ անհայտ է ՊԵԿ նախկին նախագահ, պաշտոնեական դիրքի չարաշահման և առանձնապես խոշոր չափով վատնում կատարելու կասկածանքով կալանավորված Գագիկ Խաչատրյանի որդու՝ «Յուքոմ» ընկերության տնօրենների խորհրդի նախագահ Գուրգեն Խաչատրյանի գտնվելու վայրը:

Հիշեցնենք, որ մայիսի 3-ին Երևանի ընդհանուր իրավասության դատարանը բավարարել է Ազգային անվտանգության ծառայության միջնորդությունը և 2 ամսով Գուրգեն Խաչատրյանին կալանավորելու որոշում կայացրել:

Ըստ ԱԱԾ-ի, Գագիկ Խաչատրյանը և որդիները պաշտոնեական դիրքի օգտագործմամբ պետությունից ավելի քան 1,5 միլիարդ դրամի հափշտակություն են իրականացրել։

Մայիսի 4-ից ԱԱԾ-ն պաշտոնապես հետախուզում է հայտարարել Գուրգեն Խաչատրյանին հայտնաբերելու համար, սակայն մինչ այս պահը իրավապահ կառույցը որևէ տեղեկություն չի տրամադրել ենթադրյալ կոռուպցիոների գտնվելու վայրի վերաբերյալ:

Պաշտպանական թիմը ևս որևէ տեղեկություն չի տրամադրում Գուրգեն Խաչատրյանի վերաբերյալ՝ համարելով ոչ կոռեկտ: Ինքը՝ Գուրգեն Խաչատրյանը, մայիսի 3-ին իրավապահներից թաքնվելուց առաջ հայտարարություն տարածեց՝ նշելով, որ առաջադրված մեղադրանքը «պետության կողմից ազատ տնտեսական գործունեության և մարդու անձնական կյանքի կոպիտ միջամտություն է»։ « Արձանագրելով այս գործընթացների խիստ անօրինականությունը, քննչական մարմնի և դատարանների որոշումների ուղղորդված լինելը, նպատակահարմար չեմ գտնում ներգրավվել այդ պրոցեսներին ու կալանավորի կարգավիճակ ձեռք բերել՝ ինքս էլ նպաստելով այդ անօրինականությունների զարգացմանը»,- նշել էր Խաչատրյանը:

Այնուհետ, Factor.am-ին տեղեկություններ փոխանցեցին, որ Գուրգեն Խաչատրյանը թաքնվում է Գյումրիում տեղակայված ռուսական ռազմաբազայում: Մեկ այլ վարկածի համաձայն էլ, նրան ռազմաբազայից տեղափոխել են Ռուսաստանի Դաշնություն: Այս տեղեկությունների վերաբերյալ Factor.am-ը մայիսի 4-ին տեղեկատվության հարցում էր ուղարկել ԱԱԾ տնօրեն Էդուարդ Մարտիրոսյանին՝ խնդրելով հստակ նշել, թե արդյոք տեղեկություններ ունե՞ն Գուրգեն Խաչատրյանի գտնվելու վայրի վերաբերյալ, արդյոք նա գտնվում է ՀՀ տարածքում, թե՞ լքել է երկիրը:

Առ այսօր ԱԱԾ-ից մեր գրավոր հարցմանը չեն պատասխանել, միաժամանակ չեն էլ տեղեկացրել, որ տեղեկատվությունը տրամադրելու համար անհրաժեշտ է օրենքով սահմանված 30 օրյա ժամկետ: Մենք, ի դեպ, կառույցին պարբերաբար հիշեցրել ենք մեր հարցմանը չպատասխանելու հանգամանքի մասին:

Գուրգեն Խաչատրյանի գտնվելու վայրի և նրա որոնողական աշխատանքների արդյունքների վերաբերյալ տեղեկություններ ստանալու համար Factor.am-ը քիչ առաջ կապ հաստատեց ԱԱԾ տնօրեն Էդուարդ Մարտիրոսյանի հետ, որը, լսելով Գուրգեն Խաչատրյանի գտնվելու վայրի մասին մեր հարցը, ասաց․ «Ես հանրապետությունում չեմ, Ձեզ կզանգահարեն»։

Քիչ անց ԱԱԾ-ից փոխանցեցին, որ մեր հարցերի պատասխանը կտրամադրեն այսօր կամ վաղը:

Ի դեպ, ԱԱԾ քննչական դեպարտամենտի արդեն նախկին պետ Արթուր Աղաջանյանը Factor.am-ին տված հարցազրույցում ասել էր, որ մայիսի 12-ի դրությամբ ԱԱԾ-ն օպերատիվ տեղեկություն է ունեցել, որ Գուրգեն Խաչատրյանը չի լքել ՀՀ սահմանները:

Գուրգեն Խաչատրյանի գտնվելու վայրը փորձեցինք ճշտել նաև հենց իրենից՝ զանգեր կատարելով նրա չգաղտնալսվող «Սիգնալ» հավելվածին։ Մեր զանգերը, սակայն, մնացին անպատասխան։

Նարեկ Կիրակոսյան