14.08.2026 | 10:00
ԱԺ-ն մշտական հանձնաժողովների նախագահներ է ընտրում․ ՈՒՂԻՂ
Բերման ենթարկված ցուցարարը ազատ է արձակվել
Հասարակություն
15.11.2017 | 17:29
Ինչպես արդեն տեղեկացրել ենք, այսօր տարկետման վերացման դեմ ուսանողների բողոքի ակցիայի ընթացքում բերման էր ենթարկվել ցուցարարներից Ռոբերտ Գրիգորյանը: Քննչական կոմիտեի մամուլի խոսնակ Սոնա Տռուզյանը տեղեկացրել էր, որ նա բերման է ենթարկվել քրեական գործի շրջանակներում:
Factor.am-ը դիմեց ՀՀ Քննչական կոմիտե՝ տեղեկանալու համար, թե կոնկրետ ինչ քրեական գործի մասին է խոսքը: ՔԿ-ից մեզ տեղեկացրին, որ Ռոբերտ Գրիգորյանը բերման է ենթարկվել գողության դեպքի առթիվ:
«Կենտրոն և Նորք-Մարաշ վարչական շրջանների քննչական բաժնի վարույթում քննվող քրեական գործով, այսօր վարույթն իրականացնող մարմնին է ներկայացվել ձեր կողմից վկայակոչված անձը, ով հարցաքննվելէ որպես վկա և ազատ է արձակվել»,- հայտնեց Սոնա Տռուզյանը:
