01.05.2024 | 23:43
Կիրանցում ունենք սահմանազատման ենթակա 11 կետ. Նիկոլ Փաշինյան. ՏԵՍԱՆՅՈՒԹ
Մայիսի 25-ից դիմակներ կրելը պարտադիր կդառնա․ կանոններին չենթարկվողները կտուգանվեն․ Ավինյան. ՏԵՍԱՆՅՈՒԹ
14.05.2020 | 16:08
Մայիսի 25-ից պարտադիր է դառնում ոչ միայն հանրային փակ, այլև հանրային բաց վայրերում դիմակների կրումը: Կանոնը խախտողները տուգանվելու են Ոստիկանության կողմից: Ազգային ժողովի հատուկ նիստում այս մասին ասաց ՀՀ փոխվարչապետ, պարետ Տիգրան Ավինյանը:
«Ուզում եմ հատուկ շեշտել այս կանոնի մասին, որովհետև իրականում այս թուլացումները մեզանից հավելյալ ջանք են պահանջում, հավելյալ ուշադրություն, հավելյալ պատասխանատվություն են պահանջում, որպեսզի վարակի տարածման արագությունը հնարավորինս պահպանվի այն չափով, որքանով հիմա է, և առողջապահական համակարգը կարողանա սպասարկել բոլոր հիվանդներին՝ թեթև, միջին և ծանր»,- ասաց Ավինյանը:
Նրա խոսքով՝ դիմակ ասելով՝ չի նշանակում, որ պարտադիր եռաշերտ դիմակների մասին է խոսքը. դրանք կարող են լինել կտորից, տնային պայմաններում պատրաստված ինքնաշեն դիմակներ:
Տիգրան Ավինյանը նաև պարզաբանեց, թե ինչու են թուլացնում սահմանափակումները՝ միաժամանակ երկարաձգելով արտակարգ դրության ռեժիմը:
Մանրամասները՝ տեսանյութում:
