26.04.2026 | 16:24
Մոտենում է հերթական ցիկլոնը, այն ՀՀ կներթափանցի այսօր ուշ երեկոյան․ Գագիկ Սուրենյան
Կարեն Կարապետյանը տվեց մեզ հետաքրքրող հարցի պատասխանը․ Անդրանիկ Քոչարյան. ՏԵՍԱՆՅՈՒԹ
Քաղաքականություն
11.05.2020 | 15:48
Հարցերի մի ամբողջ փաթեթ է տրվել Կարեն Կարապետյանին, թե իր վարչապետության ժամանակ՝ 2016-18 թվականներին ի՞նչ աշխատանքներ են կատարվել: Եթե այդ աշխատանքները կատարված լինեին, այսօրվա քննիչ հանձնաժողովի կարիքը չէր լինի: ՀՀ նախկին վարչապետ Կարեն Կարապետյանի մասնակցությամբ անցկացված ապրիլյան պատերազմի հանգամանքներն ուսումնասիրող քննիչ հանձնաժողովի նիստից հետո լրագրողների հետ զրույցում ասաց հանձնաժողովի ղեկավար Անդրանիկ Քոչարյանը:
«Փորձել ենք քննարկել՝ ինչո՞ւ այն ժամանակ այդ հարցերը Հովիկ Աբրահամյանից հետո ձևավորված կառավարությունը չի դարձրել առաջնահերթություն: Եվ մենք ստացել ենք այդ հարցերի պատասխաններն այնքանով, ինչքանով Կարեն Կարապետյանը պատասխանեց մեր հնչեցրած բոլոր հարցերին: Քչի ու շատի հարցը չէր, այլ այն, թե մեր հրավիրած պաշտոնյան ինչքանով կարող էր տիրապետել այդ հարցերի բովանդակությանը»,- ասաց նա:
Քոչարյանի խոսքով՝ իրենց համար շատ կարևոր է կառավարությունների ժառանգականությունը, փոխանցված ինֆորմացիայի և դրա հետ կապված խնդիրների լուծված լինելը կամ ապագային միտված լինելը:
Մանրամասները՝ տեսանյութում:
