16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Քոչարյանի գործով բավականին գրգռված և քաղաքականացված գործընթաց է. Կարեն Կարապետյան. ՏԵՍԱՆՅՈՒԹ
Քաղաքականություն
11.05.2020 | 15:22
Ես, ինչպես շատերը, չափազանց շահագրգռված եմ, որպեսզի Մարտի 1-ի հետ կապված հասարակության մեջ ձևավորված հարցադրումներին տրվի մաքսիմալ պատասխան, որպեսզի բաց կողմ չլինի և այն համապատասխան նստվածք չթողնի: Այսօր Ազգային ժողովում լրագրողների հետ զրույցում այս մասին ասաց ՀՀ նախկին վարչապետ Կարեն Կարապետյանը՝ պատասխանելով հարցին, թե ինչու է երեք այլ նախկին վարչապետների հետ երկրորդ նախագահ Ռոբերտ Քոչարյանի խափանման միջոց կալանավորումը փոխելու երաշխավորություն ներկայացրել դատարան:
«Երկրորդ՝ ես հարգում և գնահատում եմ Ռոբերտ Քոչարյանի ներդրումն ու ավանդը Արցախի և Հայաստանի անկախության և կայացման գործընթացքում: Երրորդ՝ երկու տարի է՝ այս դատական պրոցեսը տևում է, և հավանական է, որ շատ երկար ժամանակ այն դեռ կարող է տևել: Այդ իսկ պատճառով ես միջնորդություն եմ ներկայացրել, որպեսզի խափանման միջոցը փոխվի»,- ասաց նա:
Հարցին՝ համաձա՞յն է հնչող կարծիքներին, որ սա Ռոբերտ Քոչարյանի նկատմամբ քաղաքական հետապնդում է, Կարեն Կարապետյանը պատասխանեց. «Ինձ թվում է՝ այս պրոցեսը բավական գրգռված և քաղաքականացված է»:
Մանրամասները՝ տեսանյութում:
