05.03.2026 | 13:42
Էդուարդ Սպերցյանը՝ ամենաշատ գոլային գործողությունների մասնակցած ֆուտբոլիստների թվում
Facebook-ի օգտատերը կալանավորվել է՝ ուղիղ եթերով խուլիգանություն կատարելու համար. ՔԿ
Հասարակություն
09.05.2020 | 21:58
Facebook սոցիալական կայքի՝ Narek Sargsyan օգտատերը կալանավորվել է՝ ուղիղ եթերով խուլիգանություն կատարելու համար: Այս մասին տեղեկանում ենք ՀՀ Քննչական կոմիտեի մամուլի ծառայությունից:
Աղբյուրի տեղեկացմամբ՝ 2020 թ. մայիսի 6-ին ՀՀ քննչական կոմիտեի Երևան քաղաքի քննչական վարչության ծանր հանցագործությունների քննության բաժնում քննվող քրեական գործով իրականացված քննչական և դատավարական գործողությունների արդյունքւոմ պարզվել է, որ «Facebook» սոցիալական կայքի «Narek Sargsyan» օգտատիրոջ կողմից Հայաստանի Հանրապետությունում տեղի ունեցած մի քանի դեպքերի և դրանց մասնակիցների հասցեին, ինչպես նաև անհասցե սոցիալական բաց հարթակում հնչեցվել են սեռական բնույթի հայհոյանքներ, կատարվել լկտի ու վիրավորական արտահայտություններ, դրա ընթացքում տրվել նաև բռնություն գործադրելու սպառնալիքներ:
Ձեռք բերված բավարար ապացույցների համակցությամբ՝ 2020 թ. մայիսի 8-ին Նարեկ Սարգսյանին մեղադրանք է առաջադրվել՝ ՀՀ քրեական օրենսգրքի 258-րդ հոդվածի (խուլիգանություն) 3-րդ մասի 5-րդ կետով: Վերջինս կալանավորվել է:
Նախաքննությունը շարունակվում է:
