14.05.2025 | 23:14
Հաքան Ֆիդանն Ուկրաինայի ԱԳ նախարարի հետ քննարկել է Զելենսկիի՝ Թուրքիա սպասվող այցը
Տարրական դասարանի երեխային պիտի սեռական շահագործումից պաշտպանվելը սովորեցնե՞նք․ Գևորգ Պետրոսյան. ՏԵՍԱՆՅՈՒԹ
Հասարակություն
08.05.2020 | 17:14
Ազգային ժողովում այսօր քննարկվում է «Սեռական շահագործումից և սեռական բնույթի բռնություններից երեխաների պաշտպանության մասին» Եվրոպայի խորհրդի կամ, ինչպես հայտնի է, «Լանզարոտեի կոնվենցիան» վավերացնելու հարցը:
«Բարգավաճ Հայաստան» խմբակցության պատգամավոր Գևորգ Պետրոսյանը այս կոնվենցիայի որոշ կետերում խնդիրներ է տեսնում. «Օրինակ՝ 6-րդ հոդվածը: Յուրաքանչյուր կողմ ձեռնարկում է անհրաժեշտ օրենսդրական կամ այլ միջոցներ՝ ապահովելու, որ երեխաները տարրական կամ միջնակարգ կրթության ընթացքում ստանան սեռական շահագործման ու սեռական բնույթի բռնությունների հետ կապված վտանգների, ինչպես նաև ինքնապաշտպանության միջոցների մասին տեղեկություններ։ Հետո ինչ-որ խոսվում է քաղաքացիական հասարակության կողմից իրականացվող ծրագրերի ֆինանսավորման մասին: Ի՞նչ ծրագիր, տեղյակ չենք դրա մասին»,- նշեց պատգամավորը։
Պետրոսյանը հորդորեց ուշադիր լինել արժեքների նկատմամբ. «Ի՞նչ է նշանակում տարրական կրթություն ստացող, առաջինից 4-րդ դասարանը համարվում է տարրական կրթություն, այդ հեքիաթից ու կաթից նոր կտրված էրեխուն էլ ուրիշ բան չունենք սովորեցնելու, պիտի սեռական շահագործումից պաշտպանվելը սովորեցնե՞նք»։
Մանրամասները՝ տեսանյութում։
