17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Քաղաքացին սպառնացել է՝ նպաստ տվեք, թե չէ կզանգեմ ԱԱԾ ու կասեմ՝ կաշառք եք պահանջել․ Գորգիսյան. ՏԵՍԱՆՅՈՒԹ
Հասարակություն
07.05.2020 | 13:50
Երբ հայտարարվում է, որ նպաստների համակարգում եղել են կոռուպցիոն դրսևորումներ, քաղաքացին սոցիալական աշխատողին դիտարկում է որպես կոռուպցիոներ։ Այս մասին այսօր Ազգային ժողովում ասաց «Լուսավոր Հայաստան» խմբակցության պատգամավոր Գևորգ Գորգիսյանը՝ դիմելով աշխատանքի և սոցիալական հարցերի նախարար Զարուհի Բաթոյանին։
«Եղել են դեպքեր, երբ քաղաքացին սպառնացել է՝ ինձ նպաստ տվեք, այլապես կզանգեմ ԱԱԾ ու կբողոքեմ, որ ինձնից կաշառք եք պահանջել, այն դեպքում, երբ սահմանված բալային համակարգով քաղաքացուն չի հասնում նպաստ»,- նշեց պատգամավորը։
«Այո՛, հիմա մենք ունենք խնդիր՝ և՛ մարդու կենսամակարդակը բարձրացնելու, և՛ աշխատակցին գնահատելու, այդ թվում՝ աշխատավարձերի բարձրացման, կարողությունների զարգացման միջոցով։ Սոցիալական աշխատող ասվածը, ցավոք, այն դասական ընկալումը չունի Հայաստանում, ինչ ամբողջ աշխարհում, ուստի ուզում ենք վերանայել մոտեցումն ու այս ինստիտուտը զարգացնել»,- նշեց նախարարը։
Նա նաև հավելեց, որ դեպքերը վարողների 80 տոկոսը, ցավոք, սոցիալական աշխատողներ չեն, ինչը անտրամաբանական է. «Մենք մտածում ենք, որ միտումնավոր չի արվել այդ ինստիտուտի զարգացումը»:
Մանրամասները՝ տեսանյութում։
