10.08.2026 | 21:19
Երևանում ապամոնտաժվել են ինքնակամ կառուցված շինություններ. ՏԵՍԱՆՅՈՒԹ
ՌԴ մշակույթի նախարարի մոտ կորոնավիրուս է ախտորոշվել
06.05.2020 | 18:45
Ռուսաստանի մշակույթի նախարար Օլգա Լյուբիմովայի մոտ կորոնավիրուս է ախտորոշվել: Այս մասին ՌԻԱ Նովոստիին ասել է նախարարի մամուլի քարտուղարը:
«Օլգա Լյուբիմովան աշխատում է հեռահար: COVID-19-ի թեստի արդյունքը դրական է, նախարարը տանն է, աշխատանքային խորհրդակցություններ է անցկացնում տեսակոնֆերանսների ռեժիմով, առցանց ձևաչափով հանդիպումների և բանակցությունների է մասնակցում»,- ասել է խոսնակը:
Նրա խոսքով՝ հիվանդությունը թեթև ընթացք ունի, այդ պատճառով հոսպիտալացման մասին խոսք չկա:
Հիշեցնենք, որ անցյալ շաբաթ էլ կորոնավիրուս էր ախտորոշվել նաև ՌԴ վարչապետ Միխայիլ Միշուստինի և շինարարության նախարար Վլադիմիր Յակուշևի մոտ:
Հավելենք, որ ՌԴ-ում կորոնավիրուսով վարակվածների թիվը 165.929 է: Այս ընթացքում 1.537 մահ է արձանագրվել, 21 հազար հիվանդ ապաքինվել է:
