11.06.2026 | 21:58
Երևան–Սևան մայրուղու` կայծակի հետևանքով վնասված կամրջի հիմնանորոգումը կմեկնարկի մասնագիտական ուսումնասիրությունից հետո. նախարար
Վարչապետին զայրացնում է, որ իրավապահներն իր հրահանգով «ասֆալտին չեն փռում» իր նշած անձանց․ Իշխանյան. ՏԵՍԱՆՅՈՒԹ
Քաղաքականություն
06.05.2020 | 13:48
Մեր 30 տարվա անկախության ընթացքում փորձը ցույց է տվել, որ իրավապահ համակարգը, քաղաքական իշխանության փոփոխության դեպքում, հլու-հնազանդ ծառայում է նոր իշխանություններին: «Ինչո՞ւ և ինչպե՞ս են կարևորագույն մեղադրյալները լքում Հայաստանը կամ հետախուզվում» թեմայով քննարկման ժամանակ նման կարծիք հայտնեց Հայաստանի Հելսինկյան կոմիտեի նախագահ, իրավապաշտպան Ավետիք Իշխանյանը՝ անդրադառնալով դիտարկմանը, որ վարչապետ Նիկոլ Փաշինյանն ավելի վաղ դժգոհություն էր հայտնել իրավապահ համակարգի աշխատանքի հետ կապված:
«Դա որևէ քննություն չի բռնում, մանավանդ, եթե իրավապահ մարմնի ինչ-որ աշխատող թերացել է իր աշխատանքում, ապա մենք չենք տեսել այդ աշխատողի նկատմամբ որևէ պատիժ»,- ասաց նա:
Իշխանյանի կարծիքով՝ խնդիրն այստեղ այլ է. արդյո՞ք իրավապահ մարմինները գործում են օրենքին համապատասխան, թե՞ ցուցումով:
«Ես չեմ բացառում, որ հաճախ այդ ցուցումներն այնպիսին են, որոնք իրավապահ գործընթացի հետ որևէ կապ չունեն, և դա, թերևս, զայրացնում է վարչապետին, որ նրանք, պայմանական ասած, հրահանգով «ասֆալտին չեն փռում» իր կողմից հրահանգված որևէ անձի»,- ասաց իրավապաշտպանը:
Մանրամասները՝ տեսանյութում:
