18.12.2025 | 15:28
Պատրաստ եմ ընդունել իր արժանապատիվ հեռացումը ապահովելու օրակարգով․ Փաշինյանը՝ Գարեգին Բ-ի մասին․ ՏԵՍԱՆՅՈՒԹ
Ոստիկանները հերոին ու մեթադոնի հաբեր են հայտնաբերել․ երկու անձ ձերբակալվել է
Հասարակություն
05.05.2020 | 14:50
Ապրիլի 27-ին, ժամը 17.50-ի սահմաններում, ոստիկանության Երևան քաղաքի վարչության քրեական հետախույզները Չեխովի և Հովսեփ Հովսեփյան փողոցների խաչմերուկից, ապօրինի թմրամիջոց պահելու և օգտագործելու կասկածանքով, ոստիկանության Շենգավիթի բաժին բերման ենթարկեցին 40 և 54-ամյա երկու տղամարդու` Լիսինյան և Մանանդյան փողոցների բնակիչներ:
Նրանց անձնական խուզարկությամբ հայտնաբերվեց երեք փաթեթ հերոին թմրամիջոցին նմանվող զանգված:
Հաջորդ օրը 54-ամյա տղամարդու բնակարանում կատարած խուզարկությամբ իրավապահները հայտնաբերեցին նաև մեթադոնի երկու հաբ:
Բերման ենթարկված տղամարդիկ ձերբակալվել են:
Հանգամանքները պարզվում են:
Նշանակվել է դատաքիմիական փորձաքննություն:
Հարուցված քրեական գործի նախաքննությունը շարունակվում է:
