Մարդիկ կային՝ կառավարության տրամադրած աջակցության առաջին փուլում չէին ներգրավվել, բայց այդ հարցը լուծվեց։
Այսօր Factor.am-ի հետ զրույցում այդ մասին ասաց իշխող ուժի պատգամավոր Գևորգ Պապոյանը։
Նա շեշտեց, որ կառավարությունը լսել և ընդառաջել է քաղաքացիներին ու ևս 36.000 անձ ներգրավվել է ծրագրերում ավելի ուշ։
Ինչ վերաբերում է ընդդիմադիրների՝ աջակցության ծրագրերին վերաբերող քննադատությանը, թե դրանք այլ կերպ պետք է արվեին, Պապոյանն ասաց, որ ընդդիմությունը կարող է իրեն պոպուլիզմ թույլ տալ, բայց պետական կառավարումը ենթադրում է ռացիոնալիզմ, և ծրագրերն այդ սկզբունքով են կազմվում։
Իսկ այսօրվանից տնտեսական գործունեության մի շարք ոլորտների աշխատանքի թույլտվությունը պատգամավորը ճիշտ է համարում, քանի որ տնտեսությունը չի կարող կանգնել, մարդիկ ամիսներով չեն կարող չաշխատել և աշխատավարձ չստանալ։
Մանրամասները՝ տեսանյութում:
Մերի Մարտիրոսյան
