24.04.2026 | 23:32
Կապանում ջրանջատում կլինի
Գյումրու ինֆեկցիոնում 90 հիվանդ կա. անախտանիշ հիվանդները կտեղափոխվեն Ծաղկաձորի հյուրանոցներ
04.05.2020 | 17:40
Գյումրու ինֆեկցիոն հիվանդանոցում, մայիսի 4-ի դրությամբ, կորոնավիրուսով 90 հիվանդ է բուժվում, նրանցից 84-ը Շիրակի մարզի բնակիչ է։ Այս մասին տեղեկանում ենք Շիրակի մարզպետարանից։
Քանի որ, սահմանափակումների մեղմացմանը զուգընթաց, սպասվում է կորոնավիրուսով հիվանդության դեպքերի թվի աճ, Առողջապահության նախարարության հանձնարարությամբ՝ դրական արդյունքով, բայց հիվանդության անախտանիշ ընթացքով պացիենտները կտեղափոխվեն այդ նպատակով Ծաղկաձորում առանձնացված հյուրանոցներ։
Գյումրու ինֆեկցիոն հիվանդանոցից այսօր կտեղափոխվի 24 հիվանդ։
Նշենք, որ Երևան տեղափոխված հիվանդների թիվը 19-ն է, ընդհանուր առմամբ՝ առողջացել և հիվանդանոցից դուրս է գրվել 21պացիենտ։ Շիրակի մարզում այս պահին մեկուսացման և ինքնամեկուսացման ցուցում ունի 338 քաղաքացի։
Էմմա Չոբանյան
