17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Հավանական է՝ մինչև մայիսի վերջ 10.000 վարակման դեպք լինի. Արսեն Թորոսյան. ՏԵՍԱՆՅՈՒԹ
04.05.2020 | 15:20
Իմ ասածը պարզապես թիվ չէր, դա Առողջապահության համաշխարհային կազմակերպության՝ մոտ մեկ առաջ արված գնահատումն էր Հայաստանի համար. 500.000 դեպք, տասնյակ հազարավոր հոսպիտալացում և հազարավոր մահեր: ԱԺ-ում լրագրողների հետ զրույցում այս մասին ասաց ՀՀ առողջապահության նախարար Արսեն Թորոսյանը՝ անդրադառնալով առողջապահության հարցերի հանձնաժողովում իր կողմից ներկայացված այս թվերի մասին հարցին:
«Բարեբախտաբար, մինչ օրս դա տեղի չի ունեցել, որովհետև մենք, ամեն դեպքում, կարողացել ենք զսպել բռնկման տարածումը և կարողացել ենք ինչ-որ չափով հարթեցնել կորը»,- հավելեց նա:
Հարցին՝ վերջին տվյալները հաշվի առնելով՝ կանխատեսումներ կան, որ թվերը կավելանա՞ն, Արսեն Թորոսյանը պատասխանեց. «Մեր վարքագիծն է պայմանավորելու այդ թիվը՝ մայիսի վերջին մենք ունենալու ենք 10 հազար, թե՞ 50 հազար: Եթե ունենանք 10 հազար դեպք, իհարկե, վատ է, որովհետև ավելի շատ է, քան այսօրվա դեպքերը, բայց լավ է, քան 50 հազարը, որը մենք չենք կարող կառավարել, իսկ 10 հազարը կկարողանանք կառավարել»:
Մանրամասները՝ տեսանյութում:
