23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Հայրենական պատերազմի վետերանները 300 հազար դրամ պարգևավճար կստանան. ՏԵՍԱՆՅՈՒԹ
Հասարակություն
30.04.2020 | 12:17
Երկրորդ աշխարհամարտում հաղթանակի 75-ամյակի առիթով Հայրենական մեծ պատերազմի վետերաններին միանվագ՝ 300 հազարական դրամի չափով պարգևատրում կտրամադրվի: Գործադիրի այսօրվա նիստում որոշվեց այդ նպատակով Կառավարության պահուստային ֆոնդից հատկացնել 86 մլն դրամ:
Առաջարկը ներկայացվել է Հաղթանակի և խաղաղության ու Հանրապետության տոներին նվիրված միջոցառումների նախապատրաստման և կազմակերպման մշտական հիմունքներով գործող միջգերատեսչական հանձնաժողովի կողմից:
«Քանի որ արտակարգ դրությամբ պայմանավորված՝ այս տարի հանրային միջոցառումներ չեն լինելու, այս համեստ պարգևատրումը ևս մեկ անգամ կհիշեցնի մեր վետերաններին, որ Կառավարությունն ուշադրության կենտրոնում է պահում իրենց: Հիշեցնեմ, որ սա միանվագ պարգևատրում է, բայց 2019 թվականից մենք կրկնապատկել ենք նրանց ամենամսյա պարգևավճարը՝ 50.000-ից դարձնելով 100.000 դրամ»,- նշեց աշխատանքի և սոցիալական հարցերի նախարար Զարուհի Բաթոյանը:
Նիկոլ Փաշինյանն էլ հավելեց, որ այսօր Հայաստանում Հայրենական մեծ պատերազմի 287 վետերան կա:
Մանրամասները՝ տեսանյութում:
