20.04.2026 | 19:26
Կապան-Խոտանան ճանապարհին մեքենան ձորն է գլորվել. կա տուժած
Ռեկորդային վատ թիվ ենք ունեցել. Արսեն Թորոսյանը՝ կորոնավիրուսի հաստատված դեպքերի մասին. ՏԵՍԱՆՅՈՒԹ
Հասարակություն
30.04.2020 | 11:09
Վատ իմաստով ռեկորդային թիվ ենք ունեցել: Կառավարության այսօրվա նիստում ներկայացնելով կորոնավիրուսով հիվանդացության ցուցանիշները՝ ասաց ՀՀ առողջապահության նախարար Արսեն Թորոսյանը:
«134 նոր դեպք, այսպիսով՝ դեպքերի ընդհանուր թիվը ստացվում է 2.066, բուժվածների թիվը՝ 929 և այս պահին փաստացի բժշկական հսկողության տակ գտնվող անձանց թիվը 1.103 է: Եվ նաև ունեցել ենք, դժբախտաբար, 2 մահվան դեպք: Այսինքն՝ կորոնավիրուսային հիվանդությունից ընդհանուր մահերի թիվը ստացվում է 32»,- նշեց նախարարը:
Թորոսյանը հավելեց նաև, որ այս պահին արհեստական շնչառության սարքերին միացված է 6 քաղաքացի, ծայրահեղ ծանր վիճակում է 17, ծանր վիճակում՝ 59 քաղաքացի:
«Իրադարձությունների զարգացման այս սցենարի դեպքում մենք, հավանաբար, շուտով կանցնենք ասիմպտոմ դեպքերին կամ շատ թեթև քաղաքացիներին արդեն չհոսպիտալացնելու ռազմավարությանը»,- նշեց նա:
Մանրամասները՝ տեսանյութում:
