16.12.2025 | 12:53
Շրջվողը դեմ չէր շրջվելուն․ Խաչատրյանը՝ Արցախում Հարությունյանին Շահրամանյանով փոխարինելու մասին. ՏԵՍԱՆՅՈՒԹ
ԱԺ-ն ամբողջությամբ ընդունեց պարետատան դերը, կարգավիճակը հստակեցնող նախագիծը. ՏԵՍԱՆՅՈՒԹ
Քաղաքականություն
29.04.2020 | 15:36
Ազգային ժողովը երկրորդ ընթերցմամբ և ամբողջությամբ ընդունեց «Արտակարգ դրության իրավական ռեժիմի մասին» ՀՀ օրենքում փոփոխություններ և լրացումներ կատարելու մասին» և «Նորմատիվ իրավական ակտերի մասին» ՀՀ օրենքում լրացում կատարելու մասին» օրենքների նախագծերի փաթեթը, որն առաջարկել էր Կառավարությունը։
Օրինագծին կողմ քվեարկեց 87, դեմ՝ 0, ձեռնպահ՝ 16 պատգամավոր։ Այսպիսով հստակեցվում է պարետի և պարետատան կարգավիճակը, պարետի կողմից ընդունվող ակտերի բնույթը:
Պարետն իրականացնում է արտակարգ դրության տարածքում արտակարգ դրության իրավական ռեժիմն ապահովող ուժերի և միջոցների միասնական ղեկավարումը, ինչպես նաև համակարգում է արտակարգ դրության պայմաններում կիրառվող միջոցառումների իրականացումը: Սույն մասով սահմանված լիազորությունների իրականացման համար պարետը կարող է ընդունել, համապատասխանաբար, վարչապետի կամ փոխվարչապետի ենթաօրենսդրական նորմատիվ իրավական ակտեր:
Համաճարակի հիմքով հայտարարված արտակարգ դրության դեպքում անձի անձնական ազատության իրավունքը կարող է սահմանափակվել արտակարգ դրության պայմաններում կիրառվող միջոցառումների իրականացման համար ներգրավված մարմինների կողմից տրված բանավոր կամ արտակարգ դրություն հայտարարելու մասին Հայաստանի Հանրապետության կառավարության որոշմամբ սահմանված դեպքերում՝ գրավոր կարգադրությամբ:
Սույն մասով սահմանված դեպքում անձնական ազատության սահմանափակման ենթարկված յուրաքանչյուր անձ, իրեն հասկանալի լեզվով, անհապաղ տեղեկացվում է անձնական ազատության իրավունքի սահմանափակման պատճառների մասին և կարող է պահանջել, որ սահմանափակման մասին անհապաղ տեղեկացվի իր ընտրած անձը:
Մանրամասները՝ տեսանյութում:
