11.02.2026 | 17:35
Shield AI-ի հետ քննարկվել են ռազմարդյունաբերության ոլորտում համագործակցության հեռանկարները
Հուսամ իմ հարցը Ձեզ չի բորբոքի. Թեմինա Վարդանյանը՝ Հայկ Մարությանին. ՏԵՍԱՆՅՈՒԹ
Քաղաքականություն
28.04.2020 | 12:20
Հուսով եմ՝ այսօր Ձեր տրամադրությունն ավելի լավ է և իմ հարցից չեք բորբոքվի։ Կրկին ստիպված եմ հարցնել այն 100 ավտոբուսի մասին, որոնց համար արդեն փետրվարին պետք է մրցույթ հայտարարված լիներ։ Այս մասին այսօր Երևանի ավագանու նիստին նշեց ավագանու «Լույս» խմբակցության անդամ Թեհմինա Վարդանյանը։
«Պարետի որոշմամբ այս ժամանակահատվածում հանրային տրանսպորտի՝ դադար վերցնելու արդյունքում քաղաքացիների վիճակն էապես վատացել է։ Վստահ եմ՝ գիտեք, որ վարչական շրջաններում մարդիկ կամ ոտքով են գնում աշխատանքի կամ տաքսիով։ 80, 100, 150 հազար դրամ աշխպատավարձ ստացող աշխատակիցներն այստեղ խնդիր ունեն։ Ենթադրենք՝ ամսի 14-ից պարետի որոշմամբ դադարեցվեց արտակարգ դրությունը կամ գոնե տրանսպորտը սկսեց գործել։ Ի՞նչ եղավ մեր պաթոսային 100 ավտոբուսի մրցույթը։ Արդեն մայիսն է սկսում, բայց փետրվարի մրցույթը դեռ հայտարարված չէ»,- ասաց Թեմինա Վարդանյանը։
Ի պատասպան՝ քաղաքապետ Հայկ Մարությանը նշեց․ «Կարծում եմ՝ այսօր լուր կունենանք նիստի ժամանակ։ Սպասենք մինչև նիստի ավարտը»։
Մանրամասները՝ տեսանյութում։
Նելլի Մելքոնյան
