Հասարակություն
27.04.2020 | 15:27Բազմաթիվ քաղաքացիներ դիմել են ԱԺ «Բարգավաճ Հայաստան» խմբակցության պատգամավորներին՝ աշխատանքային իրավունքի վերաբերյալ խնդիրներով։ Այս մասին այսօր ԱԺ մարդու իրավունքների պաշտպանության և հանրային հարցերի մշտական հանձնաժողովի նիստում ասաց ԲՀԿ պատգամավոր Շաքե Իսայանը։
«Վերջին դեպքը, որը մամուլը նաև լուսաբանեց, երբ գործատուն արգելում է աշխատողին սոցիալական աջակցություն ստանալ։ Ես կուզենայի իմանալ՝ նախարարություն այս մասին ահազանգել են կամ այս տեղեկությունների հիման վրա ուսումնասիրություն իրականացվե՞լ է։ Ի՞նչ է կատարվում և ինչո՞վ ենք կարողանում օգնել»,- նշեց Իսայանը՝ դիմելով աշխատանքի և սոցիալական հարցերի նախարար Զարուհի Բաթոյանին։
Նույն խմբակցության պատգամավոր Նաիրա Զոհրաբյանն էլ հավելեց, որ ինքը ևս ահազանգեր է ստացել աշխատանքային իրավունքի վերաբերյալ. «Գործատուն ստիպում է աշխատողներին իր հաշվեհամարին փոխանցված սոցիալական գումարի մի մասը վճարել»։
Մանրամասները՝ տեսանյութում։
