07.07.2026 | 23:20
«Ընտրական կոռուպցիայի ծանր ժառանգություն»․ ՍԴ-ի գնահատականը ԱԺ ընտրությունների գործով
Վասպուրականի այս տարազը փրկել է քո կյանքը և ապահովել մեր ընտանիքի շարունակությունը. Տաթևիկ Ռևազյանն իր գերդաստանի պատմությունն է պատմել
24.04.2020 | 12:35
Քաղաքացիական ավիացիայի կոմիտեի նախագահ Տաթևիկ Ռևազյանն այսօր՝ ապրիլի 24-ին՝ Հայոց ցեղասպանության հիշատակի օրը, ֆեյսբուքյան իր էջում գրառում է կատարել՝ պատմելով իր գերդաստանի պատմությունը, որը հարյուրհազարավորների նման վերապրել է Մեծ եղեռնը:
«105 տարի է, որ մենք՝ Հայոց ցեղասպանությունը վերապրածների ժառանգներս, այստեղ ենք: Մենք դեռ վառ ենք պահում ջահը և թույլ չենք տա, որ հիշողություններն ու արդարության պահանջը մարեն:
2015 թվականին այցելեցի Վան, որ ներկայիս Թուրքիայի տարածքում է:
Սիրելի պապիկ, հուսով եմ՝ երկնքից ինձ հետևում ես:
Երբևէ կպատկերացնեի՞ր, որ թոռնուհիդ կայցելի քո ծննդավայր, երբևէ կմտածեի՞ր, որ թոռնուհիդ իր ոտնահետքերը կթողնի այն երկրում, որտեղ մեր գերդաստանի մեծ մասը զոհվել է, իսկ դու հազիվ ես փրկվել: Ես արեցի դա, պապ, որպես մեր ընտանիքի առաջին անդամ ՝ ես արեցի դա: Եվ ես խոստանում եմ պատմել ու պատմել քո պատմությունը:
Գիտեմ, որ ես այստեղ եմ ու կամ միայն պատահականության շնորհիվ: Դու մայրիկին պատմել ես, որ թաքնվել ես մորաքրոջդ ավանդական հագուստի՝ տարազի տակ և դա է քեզ փրկել: 100 տարի է անցել, և ես հիմա Վասպուրականի տարազով հպարտ կանգնած եմ քո ծննդավայրում՝ Վանում: Սյուրռեալիստական է, որ այսպիսի մի զգեստ փրկել է քո կյանքը և ապահովել մեր ընտանիքի շարունակությունը: Ես ինձ երբեք ավելի կենարար չեմ զգացել: Սիրում եմ քեզ պապ: Հանգչիր խաղաղությամբ»,- գրել է Ռևազյանը:
