15.10.2026 | 23:20
Գիտության ոլորտին լրացուցիչ 2.35 մլրդ դրամ կհատկացվի․ 12 կենտրոն կվերազինվի
Դատարանը կալանավորել է Կատալոնիայի խորհրդարանի խոսնակին
Քաղաքականություն
10.11.2017 | 11:08
Իսպանիայի Գերագույն դատարանը որոշում է կայացրել դատական հետաքննության ընթացքում կալանքի տակ պահել Կատալոնիայի խորհրդարանի խոսնակ Կարմե Ֆորկադելին՝ 150 հազար եվրոյի չափով գրավի դիմաց ազատ արձակվելու իրավունքով. փոխանցում է ria.ru-ն:
«Միասին կողմ» կոալիցիայի 4 անդամների համար դատարանը սահմանել է 25 հազար եվրոյի գրավաչափ։ Ֆորկադելը և «Միասին կողմ» կոալիցիայի 4 անդամները պետք է ամեն օր ներկայանան դատարան։ Բացի այդ, նրանք չեն կարող լքել Իսպանիայի տարածքը, քանի որ նրանց անձնագրերն առգրավել են։
Հիշեցնենք, որ Կատալոնիայի անկախության հանրաքվեից հետո Իսպանիայի իշխանությունները ցրեցին նախկին վարչակազմն ու խորհրդարանը ու ինքնավար մարզում ուղիղ կառավարում մտցրեցին: Իսկ Իսպանիայի գերագույն դատարանը Կատալոնիայի նախկին ղեկավար Կառլես Պուչդեմոնին և նրա վարչակազմի պաշտոնյաներին ձերբակալելու միջազգային սանկցիա հայտարարեցին:
