06.07.2026 | 17:18
Սերժ Սարգսյանից հօգուտ պետության կբռնագանձվի շուրջ 630 մլն դրամի գույք և դրամական միջոցներ․ Դատախազություն
Երևանում նոր քրեակատարողական հիմնարկ կկառուցվի՝ 441 միլիոն դրամ արժեցող տարածքում
Հասարակություն
23.04.2020 | 21:16
Երևանի Սիլիկյան թաղամասում նոր քրեակատարողական հիմնարկ է կառուցվելու: Այդ նպատակով Երևան համայնքին պատկանող 15 հեկտար մակերես ունեցող 441 միլիոն կադաստրային արժեք ունեցող մակերեսով հողամասը կնվիրվի Հայաստանի Հանրապետությանը: Այս մասին Factor.am-ը տեղեկանում է պաշտոնական բաց աղբյուրներից:
Այն կառուցվելու է Աջափնյակ վարչական շրջանի «Սպանդարյան» կայարանի երկաթգծին հարակից տարածքում: Քննարկվող հողամասում նախատեսվում է կառուցել շուրջ 1200 լրակազմ ունեցող (200 մահճակալ նախատեսվում է բուժման կարիք ունեցող անձանց համար)քրեակատարողական նոր հիմնարկ, որտեղ տեղակայվելու են ՀՀ արդարադատության նախարարության «Նուբարաշեն» և «Դատապարտյալների հիվանդանոց» քրեակատարողական հիմնարկները, քանի որ նշված քրեակատարողական հիմնարկները դարձել են ոչ պիտանի հետագա շահագործման համար, ու բացի այդ, պայմանները խիստ անբավարար են ազատությունից զրկված անձանց համար:
Նարեկ Կիրակոսյան
