Հասարակություն
22.04.2020 | 16:21Վարչապետը հայտարարել է, որ եթե կորոնավիրուսի տարածման գործակիցը 1 տոկոսից նվազի, հնարավորություն կտրվի, որպեսզի ապրիլի 20-ից տեքստիլ արդյունաբերությունը աշխատի։ Այսօր ԱԺ արտահերթ նիստում հայտարարեց «Իմ քայլի» պատգամավոր Ծովինար Վարդանյանը՝ պատասխանելով «Գլորիա» արտադրամասում երեկ տեղի ունեցած միջադեպի վերաբերյալ «Լուսավոր Հայաստան» խմբակցության ղեկավար Էդմոն Մարուքյանի հնչեցրած հարցադրումներին։
«Ուզում եմ հստակ արձանագրել, որ նախ՝ ինտենսիվությունը չի նվազել, երկրորդ՝ պարետի որոշում չի եղել, երրորդ՝ տեքստիլի տնտեսվարողներն իրենք են դիմել Էկոնոմիկայի նախարարությանը և խնդրել, որ նման որոշում լինի իրենց դիմումի հիման վրա, քանի որ որոշ ձեռնարկություններ ի վիճակի չեն անվտանգության կանոնները պահելու։ Որքանով տեղյակ եմ՝ կլինի այսօր որոշում՝ հենց այդպիսի սահմանափակմամբ, որ իրենց դիմումի հիման վրա կարողանան աշխատել», – ասաց Վարդանյանը։
Մանրամասները՝ տեսանյութում։
