17.10.2026 | 19:25
Հռոմի պապ Լևոն XIV-ը լքել է հիվանդանոցը՝ թոքի ուռուցքի հեռացման վիրահատությունից հետո
Մահացել է արտակարգ և լիազոր դեսպան Ռուբեն Շուգարյանը
Քաղաքականություն
21.04.2020 | 17:06
Բոստոնում մահացել է արտակարգ և լիազոր դեսպան Ռուբեն Շուգարյանը: Այս մասին ֆեյսբուքյան գրառմամբ տեղեկացրել է նրա որդին՝ Նարեկ Շուգարյանը:
«Խոր վշտով տեղեկացնում եմ, որ մեր սիրելի հայրը՝ Ռուբեն Շուգարյանը, այս առավոտ կյանքից հեռացավ:
Նա հավերժ կապրի իր սիրելի կնոջ՝ Լիլիթ Կարապետյան-Շուգարյանի և որդիների՝ Նարեկ, Տիգրան և Հայկ Շուգարյանների սրտում»,- գրել է նա:
Ռուբեն Շուգարյանը ծնվել է Մոսկվայում։
1985 թվականին ավարտել է Երևանի Վալերի Բրյուսովի անվան ռուսաց և օտար լեզուների ինստիտուտը, 1989 թվականին՝ Երևանի պետական համալսարանի փիլիսոփայության ֆակուլտետը։
1985-1991 թվականներին Երևանի պոլիտեխնիկական ինստիտուտում եղել է անգլերենի հրահանգիչ, 1991 թվականի հունվարից նոյեմբեր ամիսներին՝ ՀԽՍՀ Գերագույն խորհրդի արտաքին գործերի փորձագիտական հանձնաժողովի փորձագետ, 1991 թվականի նոյեմբերից 1992 թվականի հուլիս՝ ՀՀ նախագահի օգնական, 1992-1993 թվականներին՝ ՀՀ նախագահի մամուլի քարտուղար։
1993-1999 թվականներին եղել է ԱՄՆ-ում Հայաստանի դեսպանը: Ունի արտակարգ և լիազոր դեսպանի դիվանագիտական աստիճան։
2001-2005 թվականներին եղել է ՀՀ արտաքին գործերի նախարարի տեղակալ, 2005-2008 թվականներին՝ Հայաստանի դեսպան Իտալիայում:
2008 թվականից բնակվում էր ԱՄՆ-ում:
